Video
Read full review
2023-08-05
25 views
之前同朋友喺大陸試過呢種四川串串，覺得幾好食想encore，於是就喺OpenRice搵到呢間四川串串放題，價錢合理並唔太貴，於是決定一試，都幾物超所值。 放題分三個時段，成人最平$208 加一，最貴嘅時段就$248 加一，星期一至日同價。餐廳面積較小，只有大約20幾個座位，我哋去到嘅時候只剩兩張枱，所以最好事先book定。Menu係簡單嘅兩頁落單紙，原來除咗放題外，亦可以散叫，或者有一個$328嘅二人套餐都非常扺食吸引，但因為我哋已經留肚做足準備，所以都係揀咗放題。串串嘅選擇，有超過40種，亦有超過10種嘅風味小食同飲品可供選擇，全部都係任飲任食，真係好抵。 先來介紹風味小食：棒棒雞：呢個係廚師推薦，而事實上亦都真係幾好味，佢其實係麻醬雞絲青瓜，芝麻醬嘅份量好足，味道好夠，青瓜絲好爽口清甜，雞肉都幾嫩，成個小食口感味道都好好，食落好開胃，食食吓辣嘢食佢亦都可以中和下辣度解辣。涼拌海帶絲：海帶絲食落口感幾好，好柔軟脆爽，辣得黎又好爽口，令人不停食完又食。香辣無骨鳳爪：個醬汁好惹味，無骨鳳爪細細隻容易進食，鳳爪亦都好入味。上湯娃娃菜：呢個本身只係叫黎想減低罪惡感，因為其他嘢食好似都好
放題分三個時段，成人最平$208 加一，最貴嘅時段就$248 加一，星期一至日同價。餐廳面積較小，只有大約20幾個座位，我哋去到嘅時候只剩兩張枱，所以最好事先book定。
Menu係簡單嘅兩頁落單紙，原來除咗放題外，亦可以散叫，或者有一個$328嘅二人套餐都非常扺食吸引，但因為我哋已經留肚做足準備，所以都係揀咗放題。
串串嘅選擇，有超過40種，亦有超過10種嘅風味小食同飲品可供選擇，全部都係任飲任食，真係好抵。
先來介紹風味小食：
棒棒雞：呢個係廚師推薦，而事實上亦都真係幾好味，佢其實係麻醬雞絲青瓜，芝麻醬嘅份量好足，味道好夠，青瓜絲好爽口清甜，雞肉都幾嫩，成個小食口感味道都好好，食落好開胃，食食吓辣嘢食佢亦都可以中和下辣度解辣。
涼拌海帶絲：海帶絲食落口感幾好，好柔軟脆爽，辣得黎又好爽口，令人不停食完又食。
香辣無骨鳳爪：個醬汁好惹味，無骨鳳爪細細隻容易進食，鳳爪亦都好入味。
上湯娃娃菜：呢個本身只係叫黎想減低罪惡感，因為其他嘢食好似都好辣好唔健康，所以想叫個菜中和下，但點知佢係好好食，個湯底好鮮甜，娃娃菜亦都好鮮嫩，吸收晒成個湯底，食落非常清甜。
藤椒雞軟骨：呢個係另一道我覺得好好食嘅風味小食，雞軟骨好爽脆，藤椒嘅味道好神奇，就係食落口會會覺得充滿麻辣味，但實際上並唔麻又並唔辣，真係好神奇，特登上網search先知，因為藤椒佢嘅特性就係麻味綿長但刺激性低，呢種清新嘅麻辣味令人忍唔住食過不停，雞軟骨一粒接着一粒咁食。
水煮麻辣豬紅：豬紅被辣汁充分浸泡，所以麻辣味十足，而且豬紅質感實淨，唔會一夾即散。
老成都雜醬麵（乾拌麵)：第一次食呢種成都特色麵，一上枱見到個賣相時，心諗咁普通嘅？點知食落幾有驚喜，口感彈牙有咬口，炸醬味道酸酸甜甜，味道好香，口感唔油膩，食落覺得好開胃。
主角出場：店員捧住一大碗串串上枱，湯底好熱辣辣。原來我哋不知不覺叫咗咁多串，咁多串放埋一齊真係好打卡able，辣度方面我哋揀咗小辣同正常麻，不得不讚賞師傅嘅串串手勢，我哋叫咗咁多串，無一串甩岀黎，每一串一拎起就食得。
由於叫咗太多款，實在不能盡錄，只可以抽幾款介紹。
豬頸肉：上面鋪滿孜然粉同辣味粉，麻辣感十足，肉質爽脆。
鮮魷魚：彈牙有咬口，雖然充滿辣味，但都掩蓋唔到佢本身嘅鮮味。
黑木耳：浸泡喺麻辣湯中令木耳吸收晒麻辣湯底，爽口得來辣得過癮。
娃娃菜：依然鮮嫩，同上湯版形成咗強烈對比，吸收晒辣湯嘅精華，辣味豐厚。
雞肉：呢個幾有驚喜，因為正常雞肉浸泡喺湯底太耐，就會變得好韌好鞋，但呢度嘅雞肉依然鮮嫩，吸收晒麻辣湯底味道嘅同時，亦保留住雞肉原有嘅鮮味
泡椒牛肉：肥牛包住一條泡椒，辣度十足，一啖咬落去，泡椒入面嘅酸辣汁噴出嚟， 味道口感相當唔錯。
仲有好多，鵪鶉蛋、炸魚蛋、午餐肉、萵筍、竹筍等等，我就唔逐一介紹了⋯
成都老冰粉：冰粉晶瑩剔透，冰涼入心，配上甜甜嘅葡萄乾、山楂等等，味道清甜，夏日必食推介，亦非常解辣解膩。
Post
