Video
Read full review
2023-10-09
56 views
一般食開嘅串燒都係逐串逐串咁樣叫，而今次嚟到呢一度嘅地方，就係一個串燒放題，可以盡情開心咁隨便叫！只要食得曬的話，想叫幾多串就幾多串！對於美食愛不釋手嘅我，越多美食我越開心，呢一度簡直係天堂！所以今次就帶埋朋友一齊嚟，一齊開心放題！呢一個地方叫串爆，主打正宗成都風味嘅冷鍋串串香。一開始最緊要嘅就係揀咗鍋湯底嘅辣度同埋麻度，食得辣嘅就可以揀中辣，甚至大辣，而佢最高係可以去到魔鬼辣。但係費事咁刺激，最後就同朋友決定左揀少麻同小辣。喺點放題串燒之前梗係要試下佢唔同嘅風味小食，同埋佢川味廚房所整嘅唔同種類嘅粉麵啦！佢嘅涼伴海帶絲同埋香辣蓮藕角嘅味道幾唔錯。小小嘅辣味，作為一道開胃菜最為適合，可以畀我慢慢適應一陣接下來嘅辣味。而且我都有叫到一碗老成都雜醬麵，呢一碗雜醬麵雖然只係得肉碎同埋麵底，以及少少辣油混合而成。但係當呢三者融合為一體嘅時候，果一種地道風味同埋肉碎內濃鬱嘅味道，令到你一碗麵口感上大大咁提升咗一個層次。而最唔少得係一定要叫佢嘅成都老冰粉，冰粉嘅質地有少少似係透明啫喱咁樣，口感非常滑流，除咗冰粉上面仲會有少少配料，當撈勻嘅時候，冰粉嘅味道會帶有少少微甜，而因爲冰粉嘅質感比較清爽，整
呢一個地方叫串爆，主打正宗成都風味嘅冷鍋串串香。
一開始最緊要嘅就係揀咗鍋湯底嘅辣度同埋麻度，食得辣嘅就可以揀中辣，甚至大辣，而佢最高係可以去到魔鬼辣。但係費事咁刺激，最後就同朋友決定左揀少麻同小辣。
喺點放題串燒之前梗係要試下佢唔同嘅風味小食，同埋佢川味廚房所整嘅唔同種類嘅粉麵啦！佢嘅涼伴海帶絲同埋香辣蓮藕角嘅味道幾唔錯。小小嘅辣味，作為一道開胃菜最為適合，可以畀我慢慢適應一陣接下來嘅辣味。
而且我都有叫到一碗老成都雜醬麵，呢一碗雜醬麵雖然只係得肉碎同埋麵底，以及少少辣油混合而成。
但係當呢三者融合為一體嘅時候，果一種地道風味同埋肉碎內濃鬱嘅味道，令到你一碗麵口感上大大咁提升咗一個層次。
而最唔少得係一定要叫佢嘅成都老冰粉，冰粉嘅質地有少少似係透明啫喱咁樣，口感非常滑流，除咗冰粉上面仲會有少少配料，
當撈勻嘅時候，冰粉嘅味道會帶有少少微甜，而因爲冰粉嘅質感比較清爽，整體食落去嘅口感層次大大提升，而解辣嘅程度簡直一流！
去到主角方面，咁就當然係一串串嘅串燒啦！佢其實每一串串燒都非常之好食，而且每一串串燒嘅質素，以及肉質，抑或係蔬菜嘅新鮮程度都非常之高。而且因為係放題方面，亦都唔使擔心份量嘅不足，即管係第一次叫完，覺得未食飽，亦都可以繼續叫第二次，並且將所有種類嘅串燒都試匀。
我自己比較推薦嘅有孜然牛肋肉，麻辣牛肉，泡淑牛肉。呢幾款牛肉嘅肉質非常之鮮嫩，非常之值得多叫幾串。雞胗同單骨雞翼嘅質素都非常之高，我最鍾意雞腎嗰個口感非常之爽口彈牙！而千層肚同鮮魷魚亦都好唔錯！
蔬菜方面，杏鮑菇，海帶，娃娃菜，白蘿蔔，同埋萵筍，呢幾樣嘢都係一定要叫！唔止我哋，我見到其他食客都好鍾意食呢幾種蔬菜，所以非常之推薦！
野飲上鍾意飲啤酒嘅可以點藍冰啤酒。而冷泡茶方面，我一定推薦蜜桃烏龍茶！茶包內有住淡淡嘅蜜桃鮮味，再加埋烏龍茶，呢個配搭簡直絕配！
除咗食物質素方面，店員嘅態度亦都好好，服務質素上面都好好。整體嚟講呢一間放題十分內，我會比十分！
Post
