川婆婆 (東廣場)

Open Now

Now Closed

觀塘有唔少隱世小店，呢間位於東廣場，主打多款特色川菜料理，集合酸菜系列、水煮系列、泡飯系列、飯餐系列、自選粉麵餐等，最緊要係大件夾抵食，OL們又有多個選擇啦～粉麵餐可以按個人喜好選擇主食同配菜，相對嚟計款式比出邊多元化，肉類丸子同菜品都叫咗幾款試試，估唔到簡單料理可以做到如此出色，究竟係來貨問題定係廚師好呢🤣牛肋條、牛頸脊、豬肉片、肉味突出，肥瘦適中，啖啖肉好滋味。韭菜餃自家製，外皮夠薄，餡料飽滿，韭菜味香濃，兩粒實在太少啦。手打牛筋丸，爽口彈牙，咬落爆汁，真材實料。漢堡扒有一大塊，薄身唔油膩，鹹鹹香香、芝士腸似係普通腸仔，相對之下無咩特別。白蘿蔔吸滿湯汁而且完全無渣，皇帝菜同白菜仔同樣新鮮又鮮甜。包仔豆腐味道清淡，強烈建議連同涼拌皮蛋一齊食，辣辣哋好過癮！