四川重口味

Open Now

Now Closed

近排鍾意食重口味，呢間好地道，好多款特色小菜，水煮魚，雞煲火鍋，連炒田雞都有。大多數都係卡位，2個人坐4人枱，空間感十足，邊食邊傾慢慢食，而且價錢唔貴，叫咗3款菜式，一共三百零蚊，碟碟都好大份，食到好飽飽捧住個肚走。豆腐魚頭湯 $108先來一個湯，分量足夠可以4人飲，裏面有10件魚頭，豆腐都好多件，個湯奶白色，好鮮甜，冇味精，加咗少少薑同芫荽去調味，啱晒我呢啲要補鈣既人飲😂。泡椒炒田雞 $108第一次食田雞，原來啲肉好亂滑，好似雞肉，加咗酸菜 泡椒 麻椒 一齊炒，酸酸辣辣好惹味。鹹肉炒椰菜花 $72回鍋肉炸過再爆少，乾身，一啲都唔油膩，有五花腩嘅油香鹹鹹地，送飯一流，好好食！椰菜花爽脆，生熟啱啱好，超級有鑊氣，調味火候都控制得好好。1個人成碟食晒都冇問題。四川桂花冰粉 $18食咁多辣嘢，最後來一碗冰粉，即時降溫。冰涼口感滑溜，清甜有淡淡桂花味。王老吉 $15金橘檸檬蜜 $13好特別，原來係鹹柑桔加檸檬，鹹鹹地酸酸甜甜，好好飲，喉嚨痛飲啱晒。