酒鍋 (天文臺道) (Closed)

依間餐廳比較特別，除左可以火鍋之餘又亦有bar tender駐場，可以調酒俾客人飲，黎個中西合璧~我地點左揚明四海湯底，湯底有四格即係四個味道，分別有黑松露什菌鍋丶濃湯豬骨鍋丶四川麻辣鍋同鹹酸菜胡椒豬肚鍋。我最鍾意嘅係黑松露雜菌鍋個湯底，因為真係好香黑松露味，味道夠濃。配咩食物入去都夾到，好味! 濃湯豬骨湯底都唔錯，啲豬骨要食埋，因為真係好好味，D肉好林，又索左湯D味。四川麻辣唔算好辣，而胡椒豬肚湯就最失望，因為完全冇胡椒豬肚味，感覺同清湯唔係差好遠。食物整體質素ok，牛肉吊住仲有冰放係下面咁上，蠔都幾肥美，響鈴脆架，烏冬仲有我鍾意嘅稻底烏冬。價錢黎講就其實偏貴，唔係好抵，不過依度係食環境氣氛多D。環境氣氛： ★★★★☆食物質素： ★★★★☆服務態度： ★★★★☆