Dilliwale

Open Now

Now Closed

呢間印度餐廳🇮🇳嘅四道菜套餐真係幾豐富，lunch set包小食、主菜、配菜同飲品！首先講吓個小食，今日係餐廳每日嘅特色小食，外皮脆脆地，入面有蔬菜餡，但係個味好特別！主菜方面，我揀咗雞肉瑪沙拉🥘，朋友就揀咗羊肉沙薑。我個雞肉瑪沙拉醬汁夠晒濃郁，香料味十足，雞肉又嫩滑，完全唔會乾爭爭。朋友個羊肉沙薑都唔錯，羊肉炆得夠腍，沙薑味夠晒突出，唔會蓋過羊肉嘅鮮味。咖喱味香濃。配菜我哋揀咗Naan，個Naan🥠烘得熱辣辣，外脆內軟！沾埋個瑪沙拉嘅醬汁一齊食，yummy！沙律就係普通嘅沙律菜，不過勝在新鮮，可以平衡吓個濃郁嘅印度菜味道。飲品方面，我哋叫咗杯奶茶同汽水，奶茶係柴茶味，唔會太甜。