有緣小敍 (Moved) New Location

舊店已經開始幫襯。當時環境極細，得兩張細桌，但因為食物好食，我同老婆經常都去。搬左新鋪，今日終於有機會去試試。鋪頭位置同以前分別不大，但若開車的話，新鋪會更方便停車。裝修很有特色。由門面設計至鋪內飾物，都很有西安古城的感覺。整個廚房裝了透明玻璃，客人可以睇到廚房的潔淨度和廚師的制作過程。餐牌比以前多了好多選擇。有酸辣面，麻辣面，有特色雞全隻，抄小菜等等。今次點了兩個金沙骨 biang biang 面，肉夾蟆，土豆絲蟆。Biang biang 面是自家新鮮制的，煙煙 un un。金沙骨煮得剛剛離骨，好入味。西安特色"肉夾蟆"依然好好食。總括來講，味道保持水準，香味十足。不過份量有點小。女仕們應該剛剛好，但男仕們會唔夠飽。