金滿庭京川滬菜館 (時代廣場) (Closed)

又到禮拜五，係時候食好野獎勵自己😋。今次去左時代廣場金滿庭食上海野。餐廳環境唔錯，可以坐到卡位，好鬆動，喺銅鑼灣都可以坐得咁舒適的確驚喜😃。茶葉選左人參烏龍，甘甘地，非常特別。食物方面叫左小籠包、生煎包、排骨拉麵🍜、香蔥牛肉窩、手撕雞、蔬菜窩。上海菜必食——小籠湯包、生煎包都煮得好好食，特別生煎包，包底有芝麻，食落香口同有幾脆。排骨拉麵🍜，排骨鬆脆，同有泰式醬伴碟，味道出乎預料地夾。香蔥牛肉窩及手撕雞則是非常香口，但不過不失，味道較重，下次可以試試其他菜式。蔬菜窩用上清湯底，有魚旦、火腿、金華火腿、蛋皮餃子，非常好食。就這樣食完美味的一餐。