Video
Read full review
2020-07-13
775 views
查實..... 我從未食過灌湯餃!因為感覺灌湯餃係自私食物.....自已絕少一條友去嘆茶, 成班人去飲茶, 睇怕又唔會 share 隻餃, 自已食哂成隻餃又好似好自私.....之后, 灌湯餃好似失蹤係香港嘅酒樓.早排家人告知大圍有間酒樓有灌湯餃同d懷舊點心, 於是放假即刻飛車去試試!睇睇張點心紙, 除咗有灌湯餃係必點之外, 重有就係干蒸牛肉!依家d酒樓, 只有山竹牛肉, 干蒸牛肉已經變成懷舊點心鳥.....雞絲粉卷係另一款懷舊點心, 叫!想叫隻糯米雞, 睇吓入面落咗咩料.再點咗蝦餃同牛肉腸粉.灌湯餃 : 先講個浸住隻餃嘅湯底, 味道咸咗d, 餃皮比想像中厚, 餡料有豬肉, 蝦肉同筍, 我無落醋, 食落似一隻厚皮水餃.干蒸牛肉 : 記憶中以前嘅干蒸牛肉頂部有粒青豆, 眼前嘅當然無疾而終, 而且外表白色嘅皮都好似份量少咗, 大家都知山竹牛肉同干蒸牛肉同一個膽, 所以食落味道同口感跟山竹牛肉無太大分別.雞絲粉卷 : 好奇怪, 外表粉皮唔多上豉油, 不過唔係壞事, 因為內餡味道重有咗d, 連粉皮食啱啱好, 餡料無偷工減料, 讚!蝦餃 : 未食餃皮已經爆開, 扣分! 蝦肉彈
因為感覺灌湯餃係自私食物.....
自已絕少一條友去嘆茶, 成班人去飲茶, 睇怕又唔會 share 隻餃, 自已食哂成隻餃又好似好自私.....
之后, 灌湯餃好似失蹤係香港嘅酒樓.
早排家人告知大圍有間酒樓有灌湯餃同d懷舊點心, 於是放假即刻飛車去試試!
睇睇張點心紙, 除咗有灌湯餃係必點之外, 重有就係干蒸牛肉!
依家d酒樓, 只有山竹牛肉, 干蒸牛肉已經變成懷舊點心鳥.....
雞絲粉卷係另一款懷舊點心, 叫!
想叫隻糯米雞, 睇吓入面落咗咩料.
再點咗蝦餃同牛肉腸粉.
灌湯餃 : 先講個浸住隻餃嘅湯底, 味道咸咗d, 餃皮比想像中厚, 餡料有豬肉, 蝦肉同筍, 我無落醋, 食落似一隻厚皮水餃.
干蒸牛肉 : 記憶中以前嘅干蒸牛肉頂部有粒青豆, 眼前嘅當然無疾而終, 而且外表白色嘅皮都好似份量少咗, 大家都知山竹牛肉同干蒸牛肉同一個膽, 所以食落味道同口感跟山竹牛肉無太大分別.
雞絲粉卷 : 好奇怪, 外表粉皮唔多上豉油, 不過唔係壞事, 因為內餡味道重有咗d, 連粉皮食啱啱好, 餡料無偷工減料, 讚!
蝦餃 : 未食餃皮已經爆開, 扣分! 蝦肉彈牙, 接受.
牛肉腸粉 : 同雞絲粉卷一樣, 外皮唔多上色, 餡料足, 但腸粉厚咗少少唔夠滑.
最后....... 食飽飽! 糯米雞唯有打包囉......
(寫文時, 隻雞重係雪櫃, 唔知有咩料!)
Post
