Domon 居酒屋 (淘大商場3期) (Closed)

上年去完旅行一直對居酒屋都念念不忘，所以不時都會上OpenRice 尋找居酒屋。今次來到九龍灣Domon 居酒屋，到步時已經覺得裝潢似去了日本，設計有心思，店內燈光亦不會太暗，好適合我影相本菜單好靚哦！菜單用了硬皮紙，好新正，而且每款菜式都有圖片，最啱以貌取食物既我，哈哈。第一眼就俾黑松露牛拖羅卷吸引住。賣相好靚，味道亦正。原來黑松露同牛肉係好夾，加上牛肉剛剛燒好，暖粒粒好好食。另外牛油果沙律亦好新鮮，加上蟹子好有口感，若有點炸物，再配上這沙律就可減油膩感。主食點了濃厚醬燒黑豚丼及極上牛小排壽喜鍋。黑豚丼無想像中咁大碗，但黑豚份量不少，一個人食剛剛好。壽喜燒牛小排有驚喜，濃郁牛味，脂肪及肉的比例剛好，不過就要盡快食啦，因為越煮就會越老，剛熟時就最好味！另外點了土門串燒盛，每款都有一串，最啱人少少又想試多幾款。串燒燒得幾靚，不會燒焦。點了一杯啤酒及cider, 估唔到cider大大杯，仲有好多粒士多啤梨添，份量足兩個人飲。這裡店員好有禮貌，服務周到，讚！