Cafe Fabulous

Open Now

Now Closed

終於都去到放假嘅日子，可以同朋友約會食飯傾偈！我哋搵咗好多間唔同嘅餐廳，最後都係揀咗去旺角嘅呢一間cafe🤩呢間Cafe嘅環境好特別，地方好大！而且仲可以有梳化嘅位置，非常舒適！同朋友坐低慢慢傾吓計食下野就真係最好不過！叫咗一個二人餐，我哋先叫咗煙三文魚沙律🥗呢一個煙三文魚沙律真係幾唔錯，煙三文魚份量好多，而且煙燻嘅香味好濃郁！三文魚亦都好香！我哋仲叫咗卡邦尼意粉，本身都已經好鍾意呢一個醬汁，而且呢度嘅醬汁好多，意粉就煮得啱啱好，唔會太硬！另外就係黑松露雜菌意大利飯，呢個意大利粉真係好好食，黑松露嘅香味，再加埋上面嘅雜菌，令到成個意大利飯都充斥着黑松露嘅香味！