Video
Read full review
2021-04-11
5414 views
對上一次嚟「堤岸酒吧及餐廳」已喺年幾、兩年嘅事，嗰時未有疫情，都喺同朋友嚟食吓晚飯。今次再嚟，都喺同啲老友聚聚，事緣晌官網見到好抵嘅推廣，可以講哋心動價，加上呢度嘅環境、服務喺好唔錯。首先，都講講餐廳環境，其實，餐廳分兩層，上層喺主用餐區，上次就哋晌上層食晚飯，而下層喺酒吧區，暫時所見，只開咗下層，不過，睇佢環境一樣可以用餐，因為啲枱都唔會太細張，而鍾意開揚啲嘅，可以揀坐出面嘅露天位。上文提及一個好抵嘅推廣，就喺呢個「1+2+3 Combo」優惠，1個價錢（$158），就包咗兩杯飲品及三款小食，可揀嘅飲品可以喺紅白餐酒、啤酒、雞尾酒、非酒精雞尾酒、果汁、汽水……等等，當然，揀酒類就最性領比高，識揀嘅，晌度飲兩杯都唔止$158啦，所以，基本上小食喺免費送咁滯。影咗個飲品餐牌俾大家參考，唔好以為會將貨就價，睇睇就知選擇多，單叫一杯都要$70、$80架。不過，小弟對酒唔算好大興趣，所以，揀咗杯非酒精雞尾酒。小食方面，你以為喺啲普通嘢，其實有唔少都頗有特色，最緊要選擇亦多，一紙小食餐牌，足有10款，就算唔喺呢個優惠，散點每一款都只不過$38而已。仲有就喺，三兩知己嚟飲吓嘢、短聚一下可以，雖然上
首先，都講講餐廳環境，其實，餐廳分兩層，上層喺主用餐區，上次就哋晌上層食晚飯，而下層喺酒吧區，暫時所見，只開咗下層，不過，睇佢環境一樣可以用餐，因為啲枱都唔會太細張，而鍾意開揚啲嘅，可以揀坐出面嘅露天位。
上文提及一個好抵嘅推廣，就喺呢個「1+2+3 Combo」優惠，1個價錢（$158），就包咗兩杯飲品及三款小食，可揀嘅飲品可以喺紅白餐酒、啤酒、雞尾酒、非酒精雞尾酒、果汁、汽水……等等，當然，揀酒類就最性領比高，識揀嘅，晌度飲兩杯都唔止$158啦，所以，基本上小食喺免費送咁滯。
影咗個飲品餐牌俾大家參考，唔好以為會將貨就價，睇睇就知選擇多，單叫一杯都要$70、$80架。不過，小弟對酒唔算好大興趣，所以，揀咗杯非酒精雞尾酒。
小食方面，你以為喺啲普通嘢，其實有唔少都頗有特色，最緊要選擇亦多，一紙小食餐牌，足有10款，就算唔喺呢個優惠，散點每一款都只不過$38而已。
仲有就喺，三兩知己嚟飲吓嘢、短聚一下可以，雖然上層用餐區未開住，但就算當嚟食餐飯都無問題，因為佢哋都提供一啲主食，如德國鹹豬手、素菜墨西哥卷、巨無霸公司三文治……等等。此外，更提供酒店旗下「沙嗲軒」嘅部份招牌菜式，好似有星洲炒貴刁、馳明沙嗲、招牌海南雞飯。定價以酒店計，都屬親民。
Fruit Fairy小弟揀呢杯喺以芒果、熱情果、菠蘿打成嘅沙冰，再放上一片香橙乾就靚仔晒，入口沙冰冰涼綿密，非常有果香，清新酸爽，配各類惹味小食真喺幾夾。雖然我杯喺無酒精雞尾酒，但隻別緻嘅銅杯，攞起手都呃到吓人喺杯酒嚟。
Baileys White Russian友人就幾鍾意飲雞尾酒，而佢揀呢杯喺以傳統嘅White Russian為基礎，不過，改用百利甜酒而已，再混入伏特加及忌廉，入口佢話幾特別，易入口，口感幾豐厚。再者，以一隻磨菇型酒杯奉上，賣相又搶多點分數。
黑松露脆薯條其實，口味可以揀海鹽、黑松露或地中海風味（即喺孜然加玉桂），本來最想揀最後者，夠特別又未試過嘛，不過，友人就怕怕咃孜然味，所以，就選上黑松露。薯條夠熱辣已成功一半咗先，加上香脆又唔油，陣陣幽幽黑松露香，一口薯條，又一啖沙冰，爽呀！
水牛城雞翼雖然一客只有3隻，但每隻嘅呎吋都有番咁上下大隻，仲伴有少少蔬菜條，不過，最正喺啲藍芝士醬，鹹香嘅芝士味令味道更具層次，而啲雞翼本身醃得入味，咬落去外皮好脆口，帶點點微辣，剛好一人一隻大家都試到。
迷你松露牛肉芝士漢堡迷你漢堡除晌啲英式下午茶不時都見到外，依家好多酒吧餐廳都加入呢一款小食作為佐酒。漢堡賣相做得精緻，疊起嚟都好大件，牛肉之厚亦睇得出，由於有松露醬、芝士，以及自家特製醬汁，所以，味道甚多變，再者，中間嘅牛肉既鬆化，又富肉香而多汁。
沙嗲 $138「沙嗲軒」嘅菜式小弟一向都頗欣賞，難得晌呢度可以叫，當然想嗌番佢哋嘅沙嗲啦，定價同晌番「沙嗲軒」食嘅一樣，無賣貴到。嗌一份綜合嘅，有齊雞牛豬。欣賞佢哋做到有炭火香，有肉香且富肉汁，唔會又乾又嚡；當然，個自家炒製嘅花生沙嗲醬亦記一功，因為濃郁富花生香，沾上沙嗲醬食味更具層次，而伴有唔少青瓜粒、紫洋蔥作為間場。
沙嗲
$138
18 views
0 likes
0 comments
上次晌黃金海岸商場嘅「Resto Bar & Grill」都有食到德國鹹豬手，但又貴卻份量少，今次晌呢度食嘅，真喺比下去，咁大隻鹹豬手以依個價錢，喺抵食到無朋友，仲配有酸椰菜及酸青瓜，佐以自家調校嘅蜜糖芥末醬。豬手炸得份外金黃，而且，已經切好成細細片，食落外皮勁脆，但又唔覺肥膩，肉下脂肪猶如食下骨膠原，肉質又軟腍，正呀，絕對唔可以錯過！
德國脆炸豬手
$138
62 views
0 likes
0 comments
Post
