Jubeelee Bar & Restaurant

Open Now

Now Closed

原來公司附近開咗間小店，收工約埋三五知己嚟傾下計，飲下酒，食下野就最啱。店內格局舒適，左邊係壁畫，右邊有三層架，放滿唔同款式嘅白酒及紅酒，平民價錢就可以飲到靚酒，真係好爽。美食方面，超足料，份量超多，平民價就有高質享受。老闆仲有做私房菜，有興趣可以搵老闆查詢先嚟兩份串燒 [ 沙嗲雞串 $28 ] 及 [ 沙嗲豬串 $28 ]，一份已經有兩串，真係超抵食，每一口都啖啖肉，雞有雞味，豬有豬味，新鮮肉唔係雪藏肉，咬落去口感嫩滑多汁，加上老闆秘製沙律醬，味道酸酸辣辣，食到LamLam脷天氣涼涼地，叫咗壺 [ 士多啤梨果粒茶 $40 ] 品嚐，果茶份量真係好足料，呢款果茶內有洛神花、蘋果肉、玫瑰果、士多啤梨，4款配料加埋一齊真係超香濃，入口香甜好飲，仲有排毒美顏功效必叫嘅主菜嚟啦 [ 黑松露蟹肉蘑菇意粉 $98 ] 煮緊嘅時候已經聞到好香，嚟到嘅時候當然係相機食先啦！份量比平時食開嘅多一倍份量，真係超足料；意粉係即叫即整，口感彈牙，意粉掛汁，醬汁夠cream，每一條意粉都有沾上黑松露香味，食得出蟹肉嘅鮮味，蘑菇份量超多又好味，口感豐富有層次Jubeelee Bar & Restaurant天后威