鴻師傅 (Closed)

今日同細佬去官塘整野，整完野問細佬有冇地方醫肚，佢話去東廣場食，以家估唔到咁多餐廳，因為成5，6年冇踏足觀塘啦，之後佢話帶我去食叉燒飯，佢話個叉燒飯好好食架，一去到諗住會勁多人，因為個陣係食飯時間，好好彩一入到去有位連抹台既叔叔都推介我地食叉燒飯，本身我期望唔大，點知一咳落去舊叉燒又淋又香，連呀囡都爭住食叉燒，因為淋，連佢都咬到，仲有佢個飯係有飽魚汁架！同出面既叉燒飯好唔同，d 飽魚汁好夾叉燒！仲想買斤叉燒比爸爸媽媽食，點知賣晒，因為今次有d 趕時間，所以下次一定會試埋佢其他野食！