鴻師傅 (Closed)

午餐其中一個選擇去左東廣場鴻師傅, 呢度其中一個必食係鮑汁叉燒煎蛋飯最怕叉燒燒得太過份又燶又硬, 呢度整得又腍又有肉香, 煎蛋有少少燶邊, 屬高水準之作.另外叫左松草花蒸雞飯配燉湯又係抵食, 燉湯真材實料唔馬虎, 蒸雞亦好滑又大份. 食左咁多次水準依舊保持平穩, 性價比亦可接受,可返轉頭.

假日嚟到觀塘行街，經過東商場諗住話食啲嘢，見到哩間鋪未試過決定去嘗試一下。哩到嘅形式好似啲快餐店咁，搵位坐低，之後出去買嘢食，再自己拎餐回坐位食嘅。嗌咗兩個茶餐...「叉燒法式軟包」又中又西，出嚟個效果會係點嘅呢？就係咁啦，就係將一大舊叉燒+生菜夾落兩塊麵包中間，味道還好。其實都幻想到，個味就係叉燒右麵包。但有一樣野要提嘅就係哩個包$25係唔包嘢飲嘅碗仔翅+豉油王炒麵 跟 熱飲普通咗啲，老實講可能喺街市買嘅可能仲好食啲，所以我覺得個餐$38嚟講係偏貴，性價比唔高埋單$63

這間茶餐廳有中菜和泰菜選擇，D食物真材實料，但價錢很經濟實惠，真心得推介。個煲仔飯很大煲，足夠兩個人吃，煲仔飯的鼓油調教得很好味。但座位比較逼，和餐具和水全都是自助的。

今日在觀塘上課，聽聞這一家鴻師傅的叉燒很有名氣， 午飯時分更是排曬隊，便來試一下。 好彩剛剛有下午茶餐，直至六時， 認真抵食。「迷你鮑魚汁叉燒飯」$ 35，包熱飲， 全部是瘦的叉燒，同時好淋特別配上叉燒醬汁， 叉燒是熱的，仲有兩條菜心。不過我個人比較喜歡食半肥瘦叉燒，但係都ok啦。「脆皮燒腩軟法包」$25， 燒腩肉都是熱的，配上青瓜 ，唔錯。只是我不喜歡他的麵包質地，我比較喜歡脆口嗰一種 。整體來說，質素唔錯下午茶好抵。

喺附近上堂之前食個下午茶，網上見到呢個餐廳叉燒唔錯，而下午茶價錢亦同其他茶餐廳差不多。餐廳喺東廣場嘅商場入邊，成個商場都係食肆，大部份都係小店，呢一間算係最大嘅其中一間，左邊係泰式右邊係中式燒味。先係櫃檯俾錢然後聽號碼自己去攞嘢食，快餐店嘅安排。迷你飽汁叉燒飯（$38），4片叉燒，都係瘦叉燒，飽汁味道偏淡，可能係收叉燒嘅原因，肉質比較韌，小小‘鞋’口，水準真係一般，同預期差好遠。脆皮燒腩軟法包反而抵食夾大件，有兩片脆皮燒腩，上枱時仍然脆，燒腩肉比較肥，但味道都可以，但以呢個價錢（$25）都算幾抵。

鴻師傅嘅鮑汁叉燒飯聽同事講左好耐好好味，今日黎一個外賣試下😋先講飯底🤔唔錯，一粒粒，不過可能外賣，所以唔多夠熱，叉燒有一半係半肥瘦，有小小燶邊，幾香口嘅，不過鮑汁味🙄唔濃郁，豉油汁都唔多夠，好彩仲有d薑蔥容撈埋碗碟飯😢

前陣子去左東廣場食lunch，朋友話呢間好好味，我就入去試下啦！ 佢嘅招牌菜係鮑魚汁叉燒飯， 梗係要試下啦！食咗之後一試難忘😍😍😍佢嘅豬肉好新鮮，又好爽口，叉燒嗰條邊又甜又脆，加埋個鮑魚汁撈飯，真係正到一個點！ 之後呢度就成為咗我嘅飯堂！仲試咗咕嚕肉，有湯送， 個湯真材實料，冇味精， 好飲！ 試埋個海南雞飯，海南雞飯嘅雞，好滑！油飯又香，都係好好味㗎！！製作好有誠意。而啲服務員好友善，雖然係自助形式買餐取餐，但佢地會主動幫你搵位， 又會幫大頭蝦或者聽唔到號碼嘅顧客取食物！👍👍👍

原來鮑魚汁與叉燒是這樣匹配😳！點了瘦叉但叉燒的口感卻能保持嫩滑不乾，絕對能滿足喜歡啖啖肉又怕肥的人啊！這家叉燒意外地好吃，可惜朋友吃到一半(她吃的是泡飯)卻發現不知名昆蟲一隻🤮！好吃是開心的，說到底還是衛生最重要吧......Have to admit that I’m fanatic about barbecued pork😍!!! 80% of time when I go to a local restaurant, I would choose char siu rice for sure. Different from the normal one, this bowl of salivating barbecued pork rice was cooked with abalone sauce, the taste had surpassed my expectation! The harmonious flavour and tender pork made my day. What a shame when my friend found an insect insid

今日喺觀塘上堂，lunch去左東廣場搵食，原來星期日1:30已經開始下午茶時段，正！呢個迷你叉燒飯好好味，叉燒好軟熟好「林」，可惜既係下午茶份量太少，如果驚唔夠飽，都係叫個正常份量既好d, 都只係爭十幾蚊！

早於幾年前初到觀塘，知道鴻師傅此一名號，猶記得當時叉燒出色。早前經過，有名之芥末雞腳根，從未試過，何不？店員卻說不夠供應例牌，只能配以半份素鵝，如何？也可。由於成本太低，所以店員還送焯生菜，是心意，其實我不知道，他們可以不送，但送了，是良心。雞腳根，十粒不到，類似於軟骨之類，雞味是沒有的，只食口感。調味是中式芥末底味，少許辣味。份量雖少，也談不上精彩，價錢貴在少有，沒有貨叫。大概是新鮮貨，滷雞浸雞總有下欄改出來，棄之可惜，所以就配以新味的結果。我是佩服廚師的心思，物盡其用，可惜大有落差。素鵝以鮮腐皮摺疊滷製而成，滑溜，滷水膽層次豐富，手工精巧，外表靚仔，這是半份，如要買是三十幾元，不便宜，但是可以的。素鵝有香味，因為滷水也滷過肉，那麼還是不是素？不久前還買過叉燒，質素下降了，一份例牌一百多元。對比燒，更似汁浸熟，淋是淋，香味已不足了。整體而言，我還是會再來，但是質素是對比之前下降了，不知道下次來的時候，會怎樣。

聽聞鴻師傅既叉燒都幾出名，今日行經東廣場，決定去會一會佢。鮑魚汁叉燒皇飯$53一個叉燒飯$53，係觀塘黎講其實都不算便宜，但如果好食，就叫貴得有道理。不過，鴻師傅呢個叉燒飯就真係貴得冇道理。首先，汁方面，雖然個名叫鮑魚汁叉燒飯，但完全食唔出有任何鮑魚味。其次，叉燒方面，通常半肥瘦就最好食，但鴻師傅既叉燒就全部都好瘦，唔講以為自己食緊煲湯個d 瘦肉，瘦得黎仲要冇乜叉燒香味，剩係得個硬字，以後都唔會再幫襯。

呢間觀塘鴻師傅，之前食過招牌叉燒飯已經一試愛上，原來呢度午飯時間，仲有限量嘅燒腩仔飯…燒腩仔係指豬腩位五花腩部份，所以脂肪位較多，肥瘦層次更分明。而且多數去埋骨，上碟賣相仲比一般燒肉更靚仔。佢哋自家燒製嘅燒腩仔…做到層皮夠脆！肥肉好滑，脂肪位入口即溶，而瘦肉部份軟腍唔靭，調味亦唔會過鹹，整體肥而不膩。即使係外賣返屋企一樣咁好食

一田大減價，收工即刻衝去觀塘間一田掃貨，快速完一輪，銀包大出血後，就要搵下野食醫下肚。APM都食得多，就走左去東廣場，近呢幾年東廣場都多左好多小型餐廳，各有特色。逛左一圈，見到呢間鴻師傅比較大間，食野位置都比較多同寬敞，始終手囉住好多戰利品，就特別留意下。因為估唔到夏天都仲有煲仔飯，太座一聲令下，就呢間。餐牌好多選擇，有選擇困難就麻煩啦！侍應好主動問係咪第一次黎，話可以做推介，見枱枱都有咁問，好少見。煲仔飯有6款，太座點左最基本臘味煲仔飯。$68 唔算貴，最重要係好大煲，太座食左一半就投降，用料充足，油鴨大大件，菜都有好幾條，成個飯面都係臘味，仲要每樣都有好幾件，飯都有臘味香。唯一不足係，冇左炭香，始終同街邊餐廳有分別，對我黎講飯焦都唔夠，但太座話好滿足。我自己就叫左健康之選——蟲草花蒸雞配飯$58+例湯+$10凍OT外觀望落吸引，食落D雞好滑，肉都多，有雞味，夠食晒成碗飯。太座覺得味道鹹左D，唔夠健康，但我覺得送飯黎講係適中，呢個蒸雞絕對可以再食，一個大男人食都夠飽。例湯飲左3份1就停，飲落覺得都有味精，又係偏濃味，試左就算。杏汁蓮子燉白肺  $58太座另外叫的補湯，用料充足，好香好

來到觀塘的東廣場，有推薦的煲仔飯的餐廳，這是間比中式氣氛裝潢的餐廳，牆壁貼滿了名人們在餐廳的照片，可見其知名度。看了看餐單，雖然有其他中式餐點，但朋友推介煲仔飯，於是就決定試試4號的 鴛鴦腸滑雞煲仔飯，一來到的時候，煲蓋是蓋著的，用手觸摸都感受到熱力。然後打開蓋，內容豐富，茶，雞，臘腸都滿布表面，令人覺得回本。加上豉油，更加令人開胃。光是煲仔飯的熱力飯氣，更加令人開胃。滑雞需然不算是太滑，但不至於干澀的質感，加上臘肉飯味，甜甜鹹鹹的。獵肉也本身夠味，幾條獵肉已經可以吃掉半煲飯，吃到悶時可以吃一吃菜，有種清新感覺。就算只是飯，也沾有獵味鹹香，沾點豉油已經可以光吃了。最後當然是價錢，只是68元而已。真的是滿滿足足的一餐

2019年5月18日 今日和女朋友，佢妹和妹夫以及友人一齊在觀塘HEA了一個下午，女朋友既妹話黎觀塘9時候經過東廣場，睇定左一間食煲仔飯的食店，想去試下，所以晚飯唔使諗咁多就去左果間食，就於東廣場其實好方便，地面呢層算是食店的集中地，能在眾多競爭當中屹立不倒，相信水準有一定保證。果不其然，小小的店面當中竟然擺置了一個獎牌櫃，是一間屢獲殊榮的食店來，亦有很多藝人和食評家光臨過，看來食物質素絕對有保證了。 友人點的我就不贅述了，我自己是點了這裡的鴛鴦腸排骨煲仔飯，剛過去的一整個冬天都無食過煲仔飯，係時候彌補我肚子的遺憾。 鴛鴦腸排骨煲仔飯即叫即整既煲仔飯，不要懷疑上面的食物遺照，因為一端過來我已忍不住加上了甜豉油然後拌勻了，所以來不及影一張靚仔相，不過配料好豐富，整個煲仔飯份量十足油菜都有4-5條。加上甜豉油後我又再蓋上焗了一會兒，那樣的話飯焦會更多更香。這個煲仔飯的飯粒企身飽滿，飯味不俗，軟硬適中，鴛鴦腸中臘腸用比較肥的，雖則吃上口無咁脆，酒香亦變得無咁香，但令到有足夠的油脂可以溶入大份量的飯中，加分不少，潤腸我比較欣賞，酒味香濃，排骨是新鮮的，只是醃得不夠入味，一般。  整個煲