Video
Read full review
2024-10-11
1886 views
公司幾個同事都係開心果控，慢慢地都會多咗留意開心果嘅周邊食品，而最近無意間發現臺北棧出咗期間限定嘅開心果麻糬蛋撻，一向鍾意試新嘢嘅我當然唔會放過呢個機會去試吓，咁我就拉埋另一半周同我嚟咗尖沙咀嘅臺台棧，而家港威仲有泊車優惠，每消費$100就可以免費泊車1小時，留港消費真係好方便！今次除咗目標開心果麻糬蛋撻外，另外再點咗嘅食物包括：髒髒鹹蛋黃芋泥蛋餅酸辣雲耳蓮藕擔擔牛肉麵招牌魯肉飯另外飲品點咗：木瓜牛乳、芭樂苦瓜汁酸辣雲耳蓮藕酸酸哋好適合做開胃菜，而且蓮藕好爽脆。招牌魯肉飯嘅魯肉，熬煮過的肉帶有黏黏地嘅膠質口感，而且唔會過咸，連一向唔鍾意食飯嘅我都追住係咁食！擔擔牛肉麵有別於平時食開嘅擔擔麵，一般中餐嘅擔擔麵係一大堆花生醬，所以我從來都唔鍾意食，但呢度嘅擔擔牛肉麵有擔擔麵嘅香味道但無咗花生醬黏口嗰種感覺，而且牛肉好淋好入味。髒髒鹹蛋黃芋泥蛋餅餡料十分豐富，滿滿嘅芋泥加芋頭粒，芋控必食。木瓜牛乳將木瓜打成蓉，所以每一啖都有香濃嘅木瓜味。芭樂苦瓜汁嘅最大特色係將芭樂嘅甜配上苦瓜嘅甘，可以咁夾，值得一試。最後係今次嘅主角開心果麻糬蛋撻，頂層滿滿開心果碎粒再加上超濃郁嘅開心果醬，入口滿滿開心果香
今次除咗目標開心果麻糬蛋撻外，另外再點咗嘅食物包括：
髒髒鹹蛋黃芋泥蛋餅
酸辣雲耳蓮藕
擔擔牛肉麵
招牌魯肉飯
另外飲品點咗：木瓜牛乳、芭樂苦瓜汁
酸辣雲耳蓮藕酸酸哋好適合做開胃菜，而且蓮藕好爽脆。
招牌魯肉飯嘅魯肉，熬煮過的肉帶有黏黏地嘅膠質口感，而且唔會過咸，連一向唔鍾意食飯嘅我都追住係咁食！
擔擔牛肉麵有別於平時食開嘅擔擔麵，一般中餐嘅擔擔麵係一大堆花生醬，所以我從來都唔鍾意食，但呢度嘅擔擔牛肉麵有擔擔麵嘅香味道但無咗花生醬黏口嗰種感覺，而且牛肉好淋好入味。
髒髒鹹蛋黃芋泥蛋餅餡料十分豐富，滿滿嘅芋泥加芋頭粒，芋控必食。
木瓜牛乳將木瓜打成蓉，所以每一啖都有香濃嘅木瓜味。
芭樂苦瓜汁嘅最大特色係將芭樂嘅甜配上苦瓜嘅甘，可以咁夾，值得一試。
最後係今次嘅主角
開心果麻糬蛋撻，頂層滿滿開心果碎粒再加上超濃郁嘅開心果醬，入口滿滿開心果香味，開心果Fans極力推介！
Post
