餃掂手工餃子雲吞專門店

計埋今次黎過呢間餃子店3次，因為真心好食！今次落單全部都係之前未叫過的！壽喜燒牛肉煎餃（大）內餡係好札實的牛肉，餃子皮煎到好金黃香脆，而且一咬落去超爆汁juicy！野生松茸素餃（中）呢款餃子係白灼，完全食到餃子的原汁原味，內餡係滿滿的蔬菜松茸同菇，岩哂食素的朋友！芫茜豬肉湯餃（大）滿滿芫茜包裹住新鮮豬肉，咬落豬肉新鮮多汁，湯好飲唔會好似出面好重味精！雲吞麵雲吞足足有12隻，超級足料，同樣皮薄餡靚，但略嫌麵煮得有點過淋，但整體黎講叫做大碗抵食！