潮樂園 (和富道)

Open Now

Now Closed

今日行開北角，一心想食潮洲野，所以去左好出名既潮樂園一嘗正宗潮洲菜。首先，我點了凍烏頭魚，師傅好有心將烏頭一開為二，等我地唔洗反來反去，值得一讚。由於，係潮洲菜，所以這條魚係凍食，不過魚肉已經弄熟不用擔心，食落充滿著魚香的鮮味，不但魚的肉質鮮嫩，而且有著清香的海水味，加上沾一沾豆醬來吃，將魚的鮮味調出，確實係出色的菜式。之後，我再點了鹵水雙拼，鵝肉拼墨魚，鵝肉不但嫩滑，而且夾雜著正宗潮洲鹵水汁，不但將鵝肉的味帶出，更值得一提係鵝肉係用新鮮的鵝製作，所以唔會有雪藏味。再者，墨魚不但爽脆，而且還很彈牙，同一般街店相比，這裡確實係一流。之後，我再點了鹵水鵝腸，鵝腸不但沒有肥膩感覺，而且在鹵水汁夾雜下，食出爽嫩的口感，加上處理得宜，令到鵝腸唔會因為飛水後令到鵝腸變硬。最後，我點了花鵰鴨舌，鴨舌在花鵰酒的醃製下令到變得清香，而且入口有戳熱的口感，令全身血脈沸騰，這就是真正花鵰酒應有的感覺。總括來說，潮樂園不但粉量十足，而且菜式用正宗潮洲方式製作，確實係潮洲菜之首。