Video
Read full review
2017-01-07
1124 views
車仔麵 － 四周圍都總有一間，但真係感覺好食嘅真係好小。第一次去回味車仔麵，正值lunch time，舖外面條龍超長，心諗車仔麵都要排隊等？點知原來係排隊叫麵底同揀餸，排到我時睇睇價錢「＄32 三餸一麵加冷熱歛品」價錢中規中矩啦，行埋D發現原來好多餸選擇，除左平日見開嘅魚蛋、豬皮、豬腸、蘿蔔、豬紅⋯⋯等等常見款式外，原來仲有 蝦卷、串燒、漢堡扒、煙鴨胸⋯⋯等等多好多食材選擇，再排埋小小見哥哥仔執餸嘅份量真係抵鑽，前面個客人叫煙鴨胸，佢一疊就放入去，牛腩大大舊都會執4至5舊入碗，再幫手剪開。讚！到我揀麵同餸：油麵、生菜、牛腩、豬腸、蝦卷。份量果然冇變，同樣都係咁多。牛腩 － 食落感覺唔錯，食得出牛味，平日一般其他舖頭都會比醬汁味道覆蓋哂。豬腸 － 相反呢個有濃郁嘅滷水汁，再配合爽口豬腸，唔錯。蝦卷 － 係唔需要加錢都可以點，好食。生菜 － 都係生菜⋯⋯三餸之後，每加多一個餸加＄5蚊整體由衛生、食物款式、份量、食物質素、碗內餸菜擺放位置，我都感受到一份尊重。（留意我張相冇用過自己對筷子執過呀，仲有留意到為位客人碗車仔麵D餸都有執整齊先取出比客人）回味車仔麵 － 值得推介比大家。
第一次去回味車仔麵，正值lunch time，舖外面條龍超長，心諗車仔麵都要排隊等？
點知原來係排隊叫麵底同揀餸，排到我時睇睇價錢「＄32 三餸一麵加冷熱歛品」價錢中規中矩啦，行埋D發現原來好多餸選擇，
除左平日見開嘅魚蛋、豬皮、豬腸、蘿蔔、豬紅⋯⋯等等常見款式外，原來仲有 蝦卷、串燒、漢堡扒、煙鴨胸⋯⋯等等多好多食材選擇，
再排埋小小見哥哥仔執餸嘅份量真係抵鑽，前面個客人叫煙鴨胸，佢一疊就放入去，牛腩大大舊都會執4至5舊入碗，再幫手剪開。讚！
到我揀麵同餸：油麵、生菜、牛腩、豬腸、蝦卷。份量果然冇變，同樣都係咁多。
牛腩 － 食落感覺唔錯，食得出牛味，平日一般其他舖頭都會比醬汁味道覆蓋哂。
豬腸 － 相反呢個有濃郁嘅滷水汁，再配合爽口豬腸，唔錯。
蝦卷 － 係唔需要加錢都可以點，好食。
生菜 － 都係生菜⋯⋯
三餸之後，每加多一個餸加＄5蚊
整體由衛生、食物款式、份量、食物質素、碗內餸菜擺放位置，我都感受到一份尊重。
（留意我張相冇用過自己對筷子執過呀，仲有留意到為位客人碗車仔麵D餸都有執整齊先取出比客人）
回味車仔麵 － 值得推介比大家。
油麵、生菜、牛腩、豬腸、蝦卷 加凍奶茶
$37
122 views
1 likes
0 comments
Other Info. :
1) 發覺好多熟客問仲有冇牛筋，應該係1點半前冇哂，鍾意食牛筋要早D到。
2) 有銀針粉，不過1點45之後都賣哂。
(The above review is the personal opinion of a user which does not represent OpenRice's point of view.)
Post
