482
84
86
Restaurant: Shanghai Wing Wah (Sze Chung) Restaurant
Info:

To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.

For details, please click here, https://www.wastereduction.gov.hk/zh-hk/waste-reduction-programme/food-wise-hong-kong-campaign
Level3
30
0
回憶中既蓋碗茶
2009-10-20 58 views
上海榮華川菜館捱左幾個年頭, 終於都捱到載四方帽..唔洗返學既日子有點百無聊賴…剛剛又轉季….又到買衫既時間la~同朋友行完觀塘後, 一d收獲都無..打算去食飯, apm 又人山人海…記得好耐以前睇過openrice 有間上海”老”菜館, 有用茶盅(蓋碗茶)沏的八寶茶…(記得f.7畢業後, 去上海玩時, 係一間飯店飲過, 之後再係同鄉賣胎菊既地方飲過, 每一次既味都不同。而係香港仲用茶盅沏茶待客既地方已不多, 小時候太嫲果d長輩成日都會沏茶, 好掛著用茶盅飲茶既感覺就行過去街巿附近望下, 原來好易就搵到~小時候太嫲告訴我:八寶茶在中國很多地方都有, 連西北回族都有用八寶茶奉客的習慣, 但內裡的藥材配伍各有不同, 功效不一, 主要是清潤滋補掛~而, 我地叫的茶盅, 所謂"蓋碗茶",包括茶蓋、茶碗、茶船子三部分。 茶船子,又叫茶舟,即承受茶碗的茶託子。相傳原來的茶杯是無襯底,常常燙著手指, 於唐時西川節度使崔寧的女兒, 因而以蠟做成圈,以固定茶碗在盤中的位置/ 木盤子來承托茶杯(無法考研用什麼物料), 以後演變為瓷質茶托。去到等左5分鐘左右就有個唔錯既卡位, 真係好彩, 唔洗搭檯~ 而內
Read full review
上海榮華川菜館
捱左幾個年頭, 終於都捱到載四方帽..
唔洗返學既日子有點百無聊賴…剛剛又轉季….又到買衫既時間la~
同朋友行完觀塘後, 一d收獲都無..
打算去食飯, apm 又人山人海…
記得好耐以前睇過openrice 有間上海”老”菜館, 有用茶盅(蓋碗茶)沏的八寶茶…(記得f.7畢業後, 去上海玩時, 係一間飯店飲過, 之後再係同鄉賣胎菊既地方飲過, 每一次既味都不同。而係香港仲用茶盅沏茶待客既地方已不多, 小時候太嫲果d長輩成日都會沏茶, 好掛著用茶盅飲茶既感覺就行過去街巿附近望下, 原來好易就搵到~
小時候太嫲告訴我:
八寶茶在中國很多地方都有, 連西北回族都有用八寶茶奉客的習慣, 但內裡的藥材配伍各有不同, 功效不一, 主要是清潤滋補掛~
而, 我地叫的茶盅, 所謂"蓋碗茶",包括茶蓋、茶碗、茶船子三部分。 茶船子,又叫茶舟,即承受茶碗的茶託子。
相傳原來的茶杯是無襯底,常常燙著手指, 於唐時西川節度使崔寧的女兒, 因而以蠟做成圈,以固定茶碗在盤中的位置/ 木盤子來承托茶杯(無法考研用什麼物料), 以後演變為瓷質茶托。

去到等左5分鐘左右就有個唔錯既卡位, 真係好彩, 唔洗搭檯~
而內裡既侍應同櫃檯收銀既都係年輕人…可能係承接祖業吧~
本來想散叫
但上左個二人餐的餐牌的當, 以為兩菜一湯+點心的套餐$118
原來係一菜一湯+點心$108, 兩菜一湯的套餐$118(轉砂鍋雲吞雞另+$20)
落單時先發現, 唯有叫個二人餐(兩菜一湯) 再加小籠飽
最先上的既係
小籠飽- 樣子一點都不討好, 鄒鄒既外皮, 但係食落完來都有肉汁, 但係好濃酒味~雖然明知d酒味係用黎消除冰鮮肉既雪味, 但係朋友亦十分喜愛~

接著上來的是
奶油津白 – 個奶油幾特別, 加上好重芝士味, 夠香口, 好在我地兩個都係芝士迷兼唔咪減肥中….haha~(一定要熱食, 否則芝士會凝固)
菜飯-菜飯有冬菇粒.d菜, 視覺上比白飯大碗, 由於對冬菇有過敏, 所以無試到, 但友人話太乾, 最後仲要加入砂鍋雲吞雞既湯, 變湯飯先食到完~

白飯- 太濕….唯有當米糕咁食…

砂鍋雲吞雞- 細細份, 有一隻雞脾份量(嚼口十足), 雲吞有四粒, 還有幾棵小唐菜, 不過湯底唔錯, 唔膩, 當中的雲吞係用廣東皮, 雖然細細粒, 但皮簿加上餡係做左小寵包既肉餡, 仲吸收晒雞湯既鮮味, 豬肉+雞肉相互提鮮, 雲吞才是這道菜既精華 , ~

糖醋魚塊- 估不到魚塊係用既炸魚塊, 亦即係魚柳包入面既魚仲要係”簿”版+斜切成三角, 魚肉已經乾晒, 仲要係十級甜度, 超高GI值, 勉強食左一塊後, 即時無晒食慾, 本人已很嚐甜, 平時的零食是沖繩黑糖方塊, 也不能再放多一件入口。可能年輕人, 想玩下創新用下新食材, 但可惜新不如舊~
與同級相比都係尖沙咀既老正興價廉物美, 就連常悅素食既假肉都好食過佢..！

八寶茶:　用了茶盅保持茶溫, 茶是用上龍井茶葉(但沒有茶香)、胖大海(ok)、用上味道較清味而價錢較便宜的白菊花(雖然沒有貢菊, 沒有胎菊, 但可見係有限既資源下的心思)、紅棗(ok)、杞子(唔酸,ok)等, 白砂糖/ 精製的冰糖(唉, 完全失去冰糖的清甜而不上痰的特點, 搞到又要不停咁喝飲茶, 仲要俾白衫待應哥哥寸「住得遠唔遠, 驚你地要係咁去廁所喎~」, 唉！若果唔係你地d野咁鬼甜, 住係新界鄉郊既我又點會不停咁飲茶呀…我10點幾係到走, 轉兩次車返到屋企成12點, 你估我會想飲架咩..！結果要借用佢地既廁所… 唉！個女廁既門居然係無法完全關上既…若果唔係咁遠水路真係唔會去….

當白衫四眼哥哥收左檯之後, 有個落單肥哥哥仲會問下食物意見, 仲俾咭片我地話下次可以book位先…當我地話佢知糖醋魚塊超甜, 佢話做乜唔同佢地講, 等佢地煮過, 唉！其實收檯果陣, 白衫四眼哥哥見我地碟野幾乎完封不動, 已經問左意見, 我地都有話佢知架..只係佢當無聽過啫~ 而我地食緊果陣又見到櫃檯既哥哥同肥哥哥有d 爭執…！算la~ 反正又唔係貴, 都係安全至上~

總體黎講, 佢地既服務已經算唔錯, 等位快, 又唔會要我地2個人坐一則, 任由我地坐係四人卡位到, 又不停咁加茶
食物既味道就如坐過山車, 本來有5分, 但係實在有太大反差既出現…只有3分

回憶總是美好的, 不管如何此店亦給予我有”回憶”的機會, 希望佢可以保留舊有好處既亦同時將不好既糾正~
否則, 日日係openrice上top 10都無用
見到近來店內既食評既用戶, 相信, 大家都明白固中既玄機~
小寵包
37 views
0 likes
0 comments
回憶-八寶茶
40 views
0 likes
0 comments
有汁
44 views
0 likes
0 comments
奶油津白
38 views
0 likes
0 comments
砂鍋雲吞雞
17 views
0 likes
0 comments
糖醋魚塊
22 views
0 likes
0 comments
八寶茶
23 views
0 likes
0 comments
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
1 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2009-10-16
    Recommended Dishes
    小寵包
    有汁
    奶油津白
    砂鍋雲吞雞