翠華餐廳 (Closed)

以前係尖沙咀返工，一星期都會食幾次翠華早餐。自從轉左地點後，已經好耐冇嚟過呢度啦。今日難得出開尖沙咀梗係約好朋友出嚟會面一下啦。原來早餐已經加到$40啦，仲要跟餐冇咗牛油豬。我的最愛奶油豬要加$16先有。嗌咗沙嗲牛肉麵，公仔麵則依然煮得彈牙，唔會好淋。沙嗲牛肉煮得好入味，配合埋辣椒油就係正宗嘅港式味道。不過今次滑蛋煮比較差，冇味之餘煮得太耐，熟得滯。凍檸茶少甜，都係咁甜，不過都可以接受。冇咗奶油豬，換來嘅係3.6牛乳餐包，質感都幾軟熟，冇奶油豬比較之下其實都幾好。