薄荷葉泰國菜

Open Now

Now Closed

上次來呢間泰國餐廳係一個冬天嘅晚上，店鋪面向寬闊嘅行人路，店內聽著泰文歌曲，望住出面嘅街燈，仿佛遠離香港，時間就此靜止……天氣慢慢轉涼之際，又令我想再一次光顧呢間餐廳。餐廳門口係一個open area, 方便食客嚮戶外飲野傾計。裡面用咗七彩嘅民族風吊燈做裝飾，亦有好多大象嘅掛畫，充滿泰式風情。食物選擇好多，有泰式小食、沙律、粉麵飯、冬陰功、咖喱、海鮮等等。飲品有好多款啤酒（有泰啤🍻）、梳打、泰式特飲、汽水等等。椒絲炒通菜 （$78）通菜炒得好有鑊氣，咬落爽脆，小小辣好惹味。自家製炸蝦餅（$88）蝦餅好大塊，上碟熱辣辣，外層薄脆，裡面厚而且非常彈牙，配埋上面嘅羅勒葉同泰式酸辣醬食仲正。特色菠蘿飯（$128）飯嘅份量真係滿滿一桶，入面有魷魚、菠蘿、肉鬆、提子乾同腰果等配料，口感豐富。招牌火焰燒雞（$168）燒雞表面有玫瑰酒，店員點火前提醒我地可以影相，即刻影兼錄片，有得食又有得睇，確實好有特色嘅雞皮燒得好脆，而且用左大量泰國香料，聞到都開胃。雞肉比較乾身，可以點泰式醬汁一齊食。椰青（$50）大大個，連埋鐵匙羹比客人容易食椰子肉，想得周到可樂（$25）以為可樂就係罐裝上桌，估唔到整到好似特飲