Video
Read full review
2018-10-12
150 views
回本放題😋尋日同朋友2個人去放縱一餐，食放題，簡左呢間一樂。第一次食，又幾有驚喜喎。首先，要贊一贊佢個環境。地方闊落，坐得舒舒服服。枱與枱之間的距離亦比較遠，起碼傾計都唔怕俾人聽到。跟住，梗係要講下佢啲食物啦。呢度啲生蠔好大隻、好肥美，估唔到放題都有呢啲咁好質素嘅生蠔食。啪返10隻8隻都回本啦。而我亦都好鍾意食佢嘅壽司，尤其是火炙左口魚壽司，塊左口魚勁肥美， encore左幾次。不過好在啲壽司飯細細舊，食多幾舊都唔怕。至於食放題我一定會必點串燒，呢度啲串燒冇令我失望。牛舌同埋波浪肥牛卷超級好食，我每樣都食咗成五、六串。啲燒牛舌唔會太淋或太韌，口感十分好。至於食波浪肥牛卷，比起薄薄嘅一片肥牛，捲埋一齊食，有口感好多，而且亦唔會燒到好柴，仍然好有肉汁。其他熟食都唔錯，例如牛筋腩鍋，啲牛筋好Q彈淋滑，仲有貴價野冬菇花膠，都值得一試。至於飲品方面，我要讚下佢嘅鮮榨橙汁，原隻橙榨出嚟，又健康又好味。仲有，榴槤控必定要試呢個炸榴槤。呢個口感十分豐富，外面層炸衣脆卜卜，中間層糯米糍煙煙韌韌，入面仲有流心榴槤餡。個榴槤餡非常之香濃，榴槤味勁重，正呀！食到十分飽，但係都要食埋呢個Häagen-Dazs朱
尋日同朋友2個人去放縱一餐，食放題，簡左呢間一樂。第一次食，又幾有驚喜喎。
首先，要贊一贊佢個環境。地方闊落，坐得舒舒服服。枱與枱之間的距離亦比較遠，起碼傾計都唔怕俾人聽到。
跟住，梗係要講下佢啲食物啦。呢度啲生蠔好大隻、好肥美，估唔到放題都有呢啲咁好質素嘅生蠔食。啪返10隻8隻都回本啦。
而我亦都好鍾意食佢嘅壽司，尤其是火炙左口魚壽司，塊左口魚勁肥美， encore左幾次。不過好在啲壽司飯細細舊，食多幾舊都唔怕。
至於食放題我一定會必點串燒，呢度啲串燒冇令我失望。牛舌同埋波浪肥牛卷超級好食，我每樣都食咗成五、六串。啲燒牛舌唔會太淋或太韌，口感十分好。至於食波浪肥牛卷，比起薄薄嘅一片肥牛，捲埋一齊食，有口感好多，而且亦唔會燒到好柴，仍然好有肉汁。
其他熟食都唔錯，例如牛筋腩鍋，啲牛筋好Q彈淋滑，仲有貴價野冬菇花膠，都值得一試。
至於飲品方面，我要讚下佢嘅鮮榨橙汁，原隻橙榨出嚟，又健康又好味。
仲有，榴槤控必定要試呢個炸榴槤。呢個口感十分豐富，外面層炸衣脆卜卜，中間層糯米糍煙煙韌韌，入面仲有流心榴槤餡。個榴槤餡非常之香濃，榴槤味勁重，正呀！
食到十分飽，但係都要食埋呢個Häagen-Dazs朱古力雪糕。
超級滿足的一餐。而且service好好，食咗兩個幾鐘，啲職員同我地換左幾次碟👍🏻👍🏻👍🏻值得再試既放題😋
Post
