滑嘟嘟

Open Now

Now Closed

舊時去大埔的話，我都會去廣福道附近橫街的一間小店「滑嘟嘟」買客家糍粑來吃，它結業後過了一段時間，原來最近在大埔熟食中心重開了，當然要食糍粑同其另一名物芝麻糊啦！雖然此小店都係同以往一樣只賣幾樣東西，但同舊店比，少了一樣我挺喜歡吃的黑豆豆腐花，幸好另一黑色名物芝麻糊仍在。這裏的芝麻估計是用石磨（因為舊店都係用石磨）去磨，故芝麻糊中仍吃到幼得來尚具口感的芝麻，感覺好實在，且芝麻香氣較一般糖水鋪的同類出品突出。不過這天吃的芝麻好似炒得over了一點，帶微微的燶味，所以要扣少許分。至於客家糍粑仍是即叫即做，簡單來說糍粑即是外皮較為煙靭的糯米糍。雖然糍粑外皮無乜味道，但由於有大量花生芝麻內餡支持，整體吃起來味道仍是足的。值得一讚的是餡中的芝麻炒得好香，且相對來說算少甜，感覺好似健康了一點點。兩樣東西（其中糍粑要了三個）都係$35，算相當抵食了。