古琴雅苑 (QRE Plaza)

Open Now

Now Closed

隔咗一段時間冇食填鴨，當然要番嚟呢到過下口癮烤北京填鴨質素依然，差唔多檯檯都嗌咁制。鴨肉嫩滑，鴨皮香脆，刀工好，唔會切到好肥。配上蜂蜜黃梅醬同京醬，包上清爽香甜哈密瓜，令鴨皮食落去唔膩，酸酸甜甜更加開胃。至尊拼盤岩曬幾個人分享，有醉雞、雞絲粉皮、水晶肉、洋黃瓜等冷盤。唔好睇洋黃瓜平平凡凡，味道清新，有咸香蝦米仔配上微微醋香更加開胃。風味松子魚魚肉外層金黃酥脆，肉質細嫩鮮香，表面灑上香脆松子仁，搭配三色椒同菠蘿而成嘅甜酸醬，令呢道菜色澤艷麗。魚肉冇骨，啖啖香脆嫩肉，正！柑桔酸梅茶夏日炎炎最岩飲，柑桔清香，酸甜解渴。