湊湊‧甄選 (AIRSIDE)

Open Now

Now Closed

之前喺尖沙咀食過呢一間，同朋友慶祝生日揀咗喺啟德新商場食。🩷由台灣過江龍開到嚟香港，啟德分店終於有食啦。鍋底方面，由於我有選擇困難症😆所以今次揀咗鴛鴦鍋底，喇沙湯底&清涼椰子雞。椰子雞湯好清香，個人十分推介喇沙湯底，有冇人鍾意去新加坡食喇沙湯，呢度呢款鍋底完全做到我喺新加坡食嘅海鮮喇沙鍋味道喎，濃頭好濃郁而且充滿喇沙香氣。冰鮮白鱔片 薄薄嘅白鱔片放落湯底淥一淥就食得，冇泥味好緊要，彈牙鮮甜👍🏻爽口牛黃喉 個人推介喇沙湯底食呢款好夾，牛黃喉都係入湯淥一淥就食得，入口勁爽彈！另外都推介呢一款90%鮮蝦肉製人氣蝦滑，蝦滑食落啖啖蝦肉，入口口感好滑咬落好爽彈！蝦肉嘅比例好多，所以食落都好鮮呀。油麥菜浸落湯度吸晒湯同埋各款海鮮嘅精華鮮甜！必食推介大家呢款澳洲西岸曼杜拉龍蝦🦞龍蝦即叫即劏，上枱嘅時候仲郁吓郁吓好生猛啊新鮮嘅龍蝦肉配上濃香喇沙湯底真係冇得輸！另外仲有自助區域有唔同款式嘅前菜同埋時令水果自選，仲有台式肉燥飯添！加分整體來講餐廳用餐環境舒適，而且闊落。所以都幾適合同一大班friend一齊聚會打邊爐。