皇后飯店 (Closed)

星期五晚，本來冇乜打算，但唔知因為呢樣定因為嗰樣，結果一家三口就坐低咗喺又一城皇后。其實皇后不嬲都唔平，一個俄國牛柳絲飯要成百三蚊！平日午飯我寧叫set lunch。但晚飯呢又唔同噃，set dinner要二百幾，百三嘅俄牛飯又變得“抵”咗！皇后原本號稱“俄羅斯西餐廳”，但確係愈嚟愈唔覺，呢度嘅俄國牛柳絲飯係好食嘅，但真係同俄羅斯有關係嗎？記得“幾”十年前拍拖嗰時，曾經幫襯過原裝銅鑼灣舊皇后飯店，記憶中當時嘅俄國牛柳絲飯係火爐鑊仔上，仲點了油膩到不得了的雞卷。可惜嗰陣冇手機影相呢樣嘢，只能夠用個腦去記住一九六零年四月十六號下晝三點之前嘅一分鐘。因為你，我會記住呢一分鐘。