半熟工房 (Closed)

今日下午表姐同表姐夫約咗我們見面兼同兩個表姨甥去玩，所以我們就約咗喺荃灣愉景新城見面，喺安排好兩個表姨甥喺兒童天地玩之後，我們就喺旁邊呢間「半熟工房」買啲甜品一邊食一邊等！我們買咗半熟芝士蛋糕，蛋糕嘅質感香滑軟綿，而且超鬆軟綿密，甜度亦調教得恰到好處，芝士嘅味道雖然係相當濃郁，但完全唔會有膩或滯嘅感覺，就連平日唔係太鍾意食芝士嘅，都可以接受到兼且會覺得好食，同埋蛋糕係有冷藏過，所以食落有一陣冰涼嘅感覺，啱晒而家炎炎夏日嘅天氣食，真係值得一讚！