名人館

Open Now

Now Closed

屋企團年飯，因為大家就唔到時間 就搵日平日放工，第二日大家都要返工呀嘛，所以搵間就腳少少去觀塘。我妹妹最鍾意周圍覓食，揀咗幾間俾我哋選擇最終投票呢度。冇揀錯喎 可能係酒店嘅中菜廳 所以都有返啲水準 不過冇諗過仲要性價比高姐。我哋齊人一家都10個人啦 平均每日二百幾蚊 夜晚喎，酒店中菜喎 🤭佢啲份量仲要唔係細 ，隻脆皮雞大到一個點。（可以再脆啲） ，個滷水拼盤都好誇張仲有瑤柱蛋白炒飯 脆皮豆腐 上湯豆苗 炸蟹棗 我都覺得好出色麻麻哋嘅呢就有兩面黄/炸蠔餅， 我一望到就覺得好油膩，所以完全冇意欲去試吓。嗌咕嚕肉，佢話有兩款一款係鎮店之寶冰鎮咕嚕肉，另一款就係拔絲 我哋都覺得冰鎮麻麻哋，結果見到人哋嗌係超誇張 反之我哋嗌嘅拔絲咕嚕肉其實只不過係大排檔普通嘅咕嚕肉，一啲拔絲都冇😓最搞笑係姨甥女無啦啦見到姑丈隻手指整親之後成餐飯都悶悶不樂，其實係佢太有愛心🧡見到人哋受傷會唔開心。笑死我哋。