Video
Read full review
2024-10-08
516 views
好耐冇食過湊湊鍋，之前嚟親都係食麻辣鴨血湯底，但係其實佢哋有好多唔同嘅特別湯底，趁住佢哋而家做緊國慶優惠，升級咗啲湯底都唔使加錢，所以試吓其他嘅湯底。除咗多咗好多新嘅湯底之外，原來仲多咗一啲海鮮炸物小食，我哋揀咗個香酥蚵仔嚟試吓，完美還原台式風味。而湯底方面我哋叫咗個日式海帶鰹魚湯拼姜子酸湯鍋。佢呢兩款湯都會額外再配咗一樣食材，鰹魚湯配嘅係新鮮嘅蜆，而個子薑湯就跟咗個皇帝菜。同埋鰹魚湯不嬲都係好夾，因為都係清清甜甜。而呢個子姜湯配皇帝菜亦都好特別，因為個湯底本身酸酸地大少少辣，啲皇帝菜放完落去之後會索晒啲汁，都幾開胃㗎。個子姜湯底仲跟咗兩粒心心嘅魚蛋，真係好有情調㗎。如果鰹魚湯除咗一大堆木魚之外，仲有一啲新鮮大大條嘅海帶，所以真係超級鮮甜。打邊爐嘅料我叫咗個海鮮拼盤，包括五樣海鮮，有鱔片，鮮蝦，扇貝，鮑魚同大蜆。啲海鮮都唔細架，樣樣都好新鮮，同個鰹魚湯就最夾啦。肉類方面，我哋叫咗個牛板鍵，都好靚㗎，仲肥瘦均勻，啲雪花幾養眼，不過就留意個火候，如果唔係好快變韌。另外仲叫咗個黃喉，因為佢係厚切，所以淥耐少少都唔怕，仲係好爽脆。另外我見到有一樣嘢叫做貓爪蝦滑，嚟到先知原來係個造型可愛嘅蝦滑，
除咗多咗好多新嘅湯底之外，原來仲多咗一啲海鮮炸物小食，我哋揀咗個香酥蚵仔嚟試吓，完美還原台式風味。
而湯底方面我哋叫咗個日式海帶鰹魚湯拼姜子酸湯鍋。佢呢兩款湯都會額外再配咗一樣食材，鰹魚湯配嘅係新鮮嘅蜆，而個子薑湯就跟咗個皇帝菜。同埋鰹魚湯不嬲都係好夾，因為都係清清甜甜。而呢個子姜湯配皇帝菜亦都好特別，因為個湯底本身酸酸地大少少辣，啲皇帝菜放完落去之後會索晒啲汁，都幾開胃㗎。
個子姜湯底仲跟咗兩粒心心嘅魚蛋，真係好有情調㗎。如果鰹魚湯除咗一大堆木魚之外，仲有一啲新鮮大大條嘅海帶，所以真係超級鮮甜。
打邊爐嘅料我叫咗個海鮮拼盤，包括五樣海鮮，有鱔片，鮮蝦，扇貝，鮑魚同大蜆。啲海鮮都唔細架，樣樣都好新鮮，同個鰹魚湯就最夾啦。
肉類方面，我哋叫咗個牛板鍵，都好靚㗎，仲肥瘦均勻，啲雪花幾養眼，不過就留意個火候，如果唔係好快變韌。
另外仲叫咗個黃喉，因為佢係厚切，所以淥耐少少都唔怕，仲係好爽脆。
另外我見到有一樣嘢叫做貓爪蝦滑，嚟到先知原來係個造型可愛嘅蝦滑，食落亦都好驚喜，因為佢唔止睇得仲好好味，因為真係超級彈牙。
除咗打邊爐嘅嘢好味之外，原來佢而家除咗生果同埋肉碎飯之外，仲多咗一啲涼拌小食。今晚嘅係有麻辣魚皮同埋麻辣雞髀菇，呢兩樣嘢都好好味。
飲品方面，見佢都有啲新嘢，因為佢而家做緊國慶七五折，所以都叫嚟試吓。其中佢有將果茶crossover生可樂，我哋就試咗個蜜桃味，都幾得意，唔係好甜，不過我又覺得唔係好夠氣。
另外仲叫咗杯抹茶開心椰，不過佢啲抹茶味好濃，我就唔係好飲到開心果同埋椰奶嘅味道，但係對於鍾意抹茶嘅人就應該好OK。
最後佢哋不嬲都會喺用餐後送一杯沙冰俾你做甜品，今晚嘅係菠蘿沙冰，中間仲有果肉添，成為一個完美嘅結尾。
Post
