Video
Read full review
2016-10-05
366 views
上次來過麗豪酒店食自助餐，又食過日本野都覺得唔錯，是日又黎到沙田的河畔，今次揀左食西餐。地方十分濶落，燈光幽暗甚有氣氛，雖說是酒吧，但餐廳內好多一家大細正在進餐，好有親子感覺。餐牌價錢不算太貴，一般西餐廳都係呢個價，但呢度係酒店喎，可接受啦。點了芝士牛肉漢堡 ($148)，賣相好吸引！厚厚的漢堡扒，滆掉的芝士，旁邊仲有酸瓜，酸洋蔥，蕃茄同生菜，自行加入喜歡的配料吧。選了五成熟的牛肉漢堡扒，果真做到半生熟，牛味濃郁又勁有肉汁，好味！薯條加了七味粉有點少辣，但熱辣辣又幾正喎。另一份點了澳洲西冷牛扒 ($298)，賣相同樣吸引，配菜有露筍，蕃茄仔，西蘭花，紅蘿蔔，同兩條炸過的薯蓉，色彩豐富呢。同樣要了五成熟，色澤亮麗，見到都流哂口水，牛肉嫩滑無筋，咬落肉汁溢出，好正。最後係美國豬鞍 ($288)，煎得好香呀，金黃色好靚喎，配菜同上面的牛扒一樣的。豬扒都好正，邊位的脂肪煎得甘香，脆卜卜不會一口油，肉亦不韌，而且食到陣陣的肉香，好耐無食到靚豬扒啦。食物十分滿意，環境又大又靜，冷氣十足，可以慢慢食吹吹水亦不會有壓迫感。不得不提這裏的員工，全場居然只有一位侍應，又要落單，上菜，添水，埋單等，實在見他
地方十分濶落，燈光幽暗甚有氣氛，雖說是酒吧，但餐廳內好多一家大細正在進餐，好有親子感覺。餐牌價錢不算太貴，一般西餐廳都係呢個價，但呢度係酒店喎，可接受啦。
點了芝士牛肉漢堡 ($148)，賣相好吸引！厚厚的漢堡扒，滆掉的芝士，旁邊仲有酸瓜，酸洋蔥，蕃茄同生菜，自行加入喜歡的配料吧。
選了五成熟的牛肉漢堡扒，果真做到半生熟，牛味濃郁又勁有肉汁，好味！薯條加了七味粉有點少辣，但熱辣辣又幾正喎。
另一份點了澳洲西冷牛扒 ($298)，賣相同樣吸引，配菜有露筍，蕃茄仔，西蘭花，紅蘿蔔，同兩條炸過的薯蓉，色彩豐富呢。
同樣要了五成熟，色澤亮麗，見到都流哂口水，牛肉嫩滑無筋，咬落肉汁溢出，好正。
最後係美國豬鞍 ($288)，煎得好香呀，金黃色好靚喎，配菜同上面的牛扒一樣的。
豬扒都好正，邊位的脂肪煎得甘香，脆卜卜不會一口油，肉亦不韌，而且食到陣陣的肉香，好耐無食到靚豬扒啦。食物十分滿意，環境又大又靜，冷氣十足，可以慢慢食吹吹水亦不會有壓迫感。不得不提這裏的員工，全場居然只有一位侍應，又要落單，上菜，添水，埋單等，實在見他忙得不可開交，雖然係咁，但仍態度良好，見佢做到大汗耷細汗，真係真心比個like佢。
Post
