國記

Open Now

Now Closed

聽朋友講呢間位於元朗炮仗坊嘅《國記》粥麵舖好似易咗手，呢日經過呢頭，順道入去試試。到去見到餐廳職員果然已經唔係以前熟口熟面嘅面孔，不過食嘢最緊要都係食物味道，所以都係試咗先講。荔灣艇仔粥 ($17/小) - 豬皮、魷魚、花生 …… 都有好足料，不過粥底無以前咁有米味及無以前咁 “綿”。蝦米腸 ($10) - 腸粉身比較軟腍，無咩彈性亦唔煙韌，餡料方面，份量都OK。蛋黃鹹肉粽 ($26) - 鹹蛋、肥豬肉、綠豆 ……都有幾多材料。包得都幾實淨，唔會散收收，不過落唔夠五香粉，食落唔夠香口。整體味道雖然OK，不過比以往略為失色，要多多加油！