利苑酒家 (國際金融中心商場)

Open Now

Now Closed

年廿九，一家人去食團年飯，一早book 好了枱，所以都唔使等，但我們坐最入面，位置有些逼，但員工服務好，而且地方好整潔。環境都ok，又唔會太嘈。首先嚟2 小碟前菜 : 拍青瓜 ( 夠爽脆 ) + 酸酸地的海蜇 ( 有少少酸味，口感爽口大，但都有些煙un ，但個汁調節得唔錯 )。老火湯 : 好夠味，真係好似煲左好幾小時咁，味道濃郁。蛋白蒸象拔蚌 : 正，又衛生，一人一碟。蛋白蒸到剛熟，所以好滑，又有少許材料係裏面，所以一D 都唔覺得淡，象拔蚌又夠爽甜。柚子密蝦球 : 個蝦夠新鮮爽甜, 爽口的蝦肉，外面被甜甜地的味道包住，好吸引，只係份量較少。班球炒蜜豆，魚夠嫩滑，無揸，蜜豆炒得夠翠綠可口。龍蝦湯泡飯 : 值得推介，睇落以為普通泡飯，但又真係幾好食，濃濃的湯配上清淡的白飯，中和左個濃度變得剛剛啱味，個湯好鮮甜，個色水有好靚，仲有少量的米通物體，食落口脆脆地，帶出左個口感，唔會諗gi gi 。正!但唯一就係，餸菜的份量都比較少。