梅花邨小館

Open Now

Now Closed

衰腦細話要食團年飯，又唔book定枱Walk in，好彩又有位！唔想應酬都要俾面出席下四個人叫左4個餸，感覺都唔係太夠食！不過對梅花邨好有信心，味道有一貫水準！魚肚粟米羹($85) 呢個唔記得相機食先！四人食一人有一大碗，粟米同魚肚份量足，唔錯！滷水鵝片 ($125)呢個每次都會點，入味肉又厚，仲有滑滑嘅豆腐墊底，正！蜜餞梅花骨 ($88)呢個都唔錯，甜甜酸酸好開胃惹味，再配罐頭桃好清新，但略嫌罐頭桃得4小片，唔夠喉喔！沙嗲炒牛肉(芥蘭) ($78)呢個就有啲失望，肉係有好多，鍋氣夠，但好重口味，咸左啲喎！原來只係$376免加一，早知有人埋單就叫多啲啦！