會所1號 時尚康山

Open Now

Now Closed

年廿九晚，一家六口去咗太古城間ClubONE  食團年飯，因為一早訂咗枱，所以去到就已經可以入座啦。我哋睇完餐單上有個六位用嘅套餐，就無再揀散叫啦，而原價$1880，即時登記做埋會員，就可以有八折，所以隨即入埋會，攞咗個優惠先。六位用嘅套裝有燒味拼盤（有油雞脾、义燒和海蜇）可惜海蜇比較辣、花膠蟹肉翅、翡翠炒蝦球、發財好市、金銀蒸龍躉頭腩、金雞報喜、瑤柱蛋白炒飯，全部都煮得唔錯，份量都啱啱好，六個人都食得好飽，唔需要再加餸，最後個甜品係每人一個凍嘅泡芙，細細個入口唔會太甜，好味。總结：食物水準好，環境燈光令人坐得舒服，木地板感覺乾淨過地毯好多，職員服務態度又親切有禮，今次申請咗張會員卡後，以後有機會都會帶媽去飲茶。