八月花 (Moved) New Location

為咗方便老人家，所以近近哋去咗又一城間八月花食嗰早嘅團年飯，去到見佢哋promote緊樣嘢叫做”撈起” 。咁岩記得有朋友講過話幾好食，望落幅相又好似幾得意同Colorful，於是就博下叫咗返嚟試啦! 等咗一陣就嚟咗幾碟唔同嘅嘢，有一碟三文魚、一碟薄脆、一碟好似沙律嘅嘢同埋幾樽汁，跟住Captain走過嚟幫我哋逐碟嘢撈埋一齊。攪完一大輪，終於有得食啦，味道有啲酸同甜，口感就有啲爽口同彈牙，整體嚟講都幾特別同好食喎! 食完撈起仲食咗農家紅燒肉、文昌雞、同埋菜膽瑤柱燉北菇，全部都係大路嘅嘢，味道不過不失。而甜品就叫咗拿破倫，真係好大個，成家人都差啲食唔晒!