鳳城酒家 (Closed)

接近新年，又係打開肚皮食食食既機會。公司一班同事放工後食返餐好既，大呀姐話想食中菜，所以最後㨂咗食鳳城酒家，老字號實穩陣啦。 乳豬拼盆－乳豬生腸拼盤（例牌），乳豬不錯，第一個餸一上大家都好似前世無食飯咁，我掛住影相淨係試到乳豬，其他人話生腸好正。上湯炸粉果－佢哋話呢個係必叫架，要先將粉果浸一浸喺湯內再食。我唔多鍾意食粉果，個人認為無咩特別，不過佢哋全部都食到津津有味咁。炸子雞－呢個好推介，雞皮又脆又薄，又熱辣辣，唔夠五分鐘清晒蝦多士－原隻大蝦，真材實料，不過都幾油膩，食一件啱啱好清蒸海中斑－蒸既火喉剛好螺片扒時蔬－勁多豆苗，豆苗煮到脆綠，唔會煮過火。不過真係咸咗啲，有改善既空間瑤柱冬蓉羹－好杰好杰，勁足料，一人一大碗勁滿足乾燒伊麵，炒得夠晒乾身入味焗蓮蓉西米布甸，唔會太甜，好大陣蓮蓉味，懷舊的味道。 臨走影咗張大合照，幫手影相個姐姐好好笑容，笑得仲開心過我哋，好好笑呀。