寶寶雞煲 (Closed)

年初九，終於約齊人食飯啦😭 本身約左年初四食，但朋友又要陪老公奶奶食飯。好難得好難得尋日竟然巧合下可以話食飯😭😭好感恩。言歸正傳，5個人叫左一隻雞，小辣。其實我就好喜歡吃辣既，不過要就晒咁多個，小辣就好啦。配料方面，我叫左最喜歡既即炸響玲，非常非常之好味同新鮮！仲有最喜歡黎寶寶食既雞腸！肥美得黎新鮮，好少係出面食到咁好味道既雞腸，絕對要比個GOOD佢👍🏻肥牛、芝士丸、凍豆腐、土尤、雜菇、枝竹、魚皮餃、鳳城水餃、午餐肉、竹笙、脆肉鯇魚片、皇帝菜。好滿足既一晚，侍應都好幫手，好快會加湯。重點係走既時間你係唔會一身雞煲味走🐔。