天天旺 (Closed)

係團購睇到【i Pot】3.5 小時*任食安格斯牛肉涮涮鍋連 60 款配料、任飲啤酒樂天飲品，每位送手切肥牛，價錢超平即管買兩張優惠券。早一日訂都講明要坐吧檯，亦都講明22:30前2.5小時22:30之後3.5小時任食，7:00去到已訂唔需要等位，裡面裝修尚算整齊，坐低先點鍋底，吧檯係一人一爐，我揀左牛魔王池，應該係牛骨湯底好甜。待應跟住送上一碟手切肥牛兩個人只此一碟，另外一人一客黑豚肉及上選安格斯牛肉，再去自取鍋料，一去到全部普通材料，例如牛丸、柏葉、水土魷等。二話不說同老友即時叫待應加$50升級精選安格斯牛肉任食。開始講食物，鍋底好甜好食但無咩材料。只此一碟手切肥牛，品質同名牌火鍋店牛肉有得比較，肉嫩幼滑有牛味，好食。黑豚肉，切得非常薄，好重豬味但肉質粗"鞋"。上選安格斯牛肉，就係普通雪藏西冷，牛味欠奉，脂肪偏於邊位，一般。升級精選安格斯牛肉，較為像樣，脂肪分布較平均，有牛味亦嫩滑，返叫兩轉，不錯。至於其他鍋料就真係普通過普通，另外還有熟食、雪糕、爆谷等等任食。汽水啤酒任飲。消費：團購每人$88+$30(服務費)+$50升級精選安格斯牛肉任食+$5(升級精選安格斯牛肉任食服務費)=