Video
Read full review
2012-06-08
26 views
4月1日, 之前聽朋友講過荃灣間棟篤食幾好味, 不過對於我地嚟講就遠咗d. 然後早排見到銅鑼灣分店有搞團購, $20就試到晒佢d撈麵同李太餃子, 於是就買嚟試下~ 團購效應, 今日嚟到舖頭都幾多人, 大部份人都係拎住張團購卷嘅~::: 招牌蝦籽撈麵 + 韭菜豬肉餃 + 凍檸茶::: $20當然要試下佢地嘅招牌蝦籽撈麵啦! 唔知係因為團購關係定點, 份量好少, 應該只有一個蝦籽麵左右, 蝦籽亦落得唔算重手… 成個麵就只有麵同蝦籽, 無汁無盛, 加上個麵都已經放涼咗一陣, 所以成碟野好乾. 麵身爽但唔滑, 蝦籽不論香氣同味道都只屬一般… 叫做招牌實在有d混水摸魚.韭菜豬肉餃反而唔錯~ 鐘意佢有好多韭菜味道夠濃! 豬肉雖少但感覺新線~ 幾好味!凍檸茶嘅檸檬少得可憐… 得嗰2塊, 篤完都完全冇味… 似係飲緊甜茶, 差勁!::: 沙嗲肥牛撈麵 + 椰菜冬菇雞肉餃 + 凍奶茶 ::: $20沙嗲肥牛撈麵雖然唔係招牌, 亦無特色鑊仔裝住, 不過不論份量抑或味道都好過招牌蝦籽撈麵~ 起碼有d汁唔會乾爭爭! 沙嗲醬除咗有少少稀之外味道都ok~ 肥牛有少少碎, 唔係好夠味, 不過都算ok 架喇…椰菜冬菇
::: 招牌蝦籽撈麵 + 韭菜豬肉餃 + 凍檸茶::: $20
當然要試下佢地嘅招牌蝦籽撈麵啦! 唔知係因為團購關係定點, 份量好少, 應該只有一個蝦籽麵左右, 蝦籽亦落得唔算重手… 成個麵就只有麵同蝦籽, 無汁無盛, 加上個麵都已經放涼咗一陣, 所以成碟野好乾. 麵身爽但唔滑, 蝦籽不論香氣同味道都只屬一般… 叫做招牌實在有d混水摸魚.
韭菜豬肉餃反而唔錯~ 鐘意佢有好多韭菜味道夠濃! 豬肉雖少但感覺新線~ 幾好味!
凍檸茶嘅檸檬少得可憐… 得嗰2塊, 篤完都完全冇味… 似係飲緊甜茶, 差勁!
::: 沙嗲肥牛撈麵 + 椰菜冬菇雞肉餃 + 凍奶茶 ::: $20沙嗲肥牛撈麵雖然唔係招牌, 亦無特色鑊仔裝住, 不過不論份量抑或味道都好過招牌蝦籽撈麵~ 起碼有d汁唔會乾爭爭! 沙嗲醬除咗有少少稀之外味道都ok~ 肥牛有少少碎, 唔係好夠味, 不過都算ok 架喇…
椰菜冬菇雞肉餃係幾經爭取先可以叫到! 原本個團購餐講明係可揀選任何一款李太餃子~ 但係坐低佢就話我地只可以揀指定四款… 我地據理力爭之後佢地先話可以做比我地! 不過叫得到唔代表好~ 椰菜冬菇雞肉餃係d餡料會特別d, 但其實椰菜同冬菇都偏少, 雞肉味亦較淡, 唔係唔好食不過較清淡.
凍奶茶味道ok~ 奶味較重, 飲完好膩…
基本上普普通通一個撈麵, 但我地都等咗ok耐先嚟… 唔知人多定點, 服務亦麻麻. 總括嚟講, 多謝團購整咗個咁抵食嘅餐出嚟~ 如果我用正價食, 會覺得唔抵到反枱!
Post
