Video
Read full review
2019-06-24
87 views
某日早收工，係屋企附近行下，發現係土瓜灣某巷仔居然開左間串燒店。佢係半開放式，坐既位置都係係室外，有啲似酒吧咁，可以同朋友食住飲下酒傾計，chill 下🥳呢到Menu 一版紙睇晒，有海鮮、菜、肉，仲有啲特別既，例如生煎包、沙利蛋糕等等，不過呢到飲品類別較少，但啤酒都有既，可以食住串燒啤一啤！你填好就可以比店員落單啦👋🏿肉類方面試左雞翼（$18)、雞軟骨（$15)、雞脾肉（$18)、豬頸肉（$15)同紐西蘭肉眼扒（$98)。呢到既調味有孜然粉、醬油等等，值得讚既係調味剛好，唔會過多掩蓋肉既味道，我仲食得出咩肉打咩肉😂值得推介既係紐西蘭肉眼扒（$98)，估唔到巷仔小店都燒得出西餐廳水準喎！要挑剔既話就係佢冇得比你揀熟度，今晚上到枱都仲有啲pink pink, 開心😍肉眼以鹽、胡椒同香草調味，肉質好柔軟，油脂豐富，size 大兩至三人分都ok👍🏾另外燒雞髀肉（$18)都好滿足到食肉獸大口食肉既心態！將雞髀起肉，用醬汁燒好，灑上少少蔥花同芝麻，咬落Juicy 呢😍蔬菜類試左燒茄子（$35)同韮菜（$12)。個茄子蒜香味濃，而且調味不會過鹹，好好食！燒韮菜亦仲有汁，唔會燒到乾爭爭，我食左四串都唔
某日早收工，係屋企附近行下，發現係土瓜灣某巷仔居然開左間串燒店。佢係半開放式，坐既位置都係係室外，有啲似酒吧咁，可以同朋友食住飲下酒傾計，chill 下🥳
呢到Menu 一版紙睇晒，有海鮮、菜、肉，仲有啲特別既，例如生煎包、沙利蛋糕等等，不過呢到飲品類別較少，但啤酒都有既，可以食住串燒啤一啤！你填好就可以比店員落單啦👋🏿
肉類方面試左雞翼（$18)、雞軟骨（$15)、雞脾肉（$18)、豬頸肉（$15)同紐西蘭肉眼扒（$98)。
呢到既調味有孜然粉、醬油等等，值得讚既係調味剛好，唔會過多掩蓋肉既味道，我仲食得出咩肉打咩肉😂
值得推介既係紐西蘭肉眼扒（$98)，估唔到巷仔小店都燒得出西餐廳水準喎！
要挑剔既話就係佢冇得比你揀熟度，今晚上到枱都仲有啲pink pink, 開心😍
肉眼以鹽、胡椒同香草調味，肉質好柔軟，油脂豐富，size 大兩至三人分都ok👍🏾另外燒雞髀肉（$18)都好滿足到食肉獸大口食肉既心態！將雞髀起肉，用醬汁燒好，灑上少少蔥花同芝麻，咬落Juicy 呢😍
蔬菜類試左燒茄子（$35)同韮菜（$12)。個茄子蒜香味濃，而且調味不會過鹹，好好食！燒韮菜亦仲有汁，唔會燒到乾爭爭，我食左四串都唔夠喉😝
比較特別既係炸生煎包（$22)同鵝肝（$38)，因為好少係串燒舖可以食到。鵝肝有驚喜，雖然佢唔係頂級既，但都入口即化，冇騷味！
呢到仲有個性價比極高既芝士煙肉薯條（$38)，份量多到爆，薯條係粗身既，但略嫌當日有少少炸得過左火，如果唔係就更好食🥳
記得記得最後一定要點一串燒菠蘿（$18)，當日食既燒菠蘿好甜同埋爆汁，將之前食既肉既油膩感一掃而空👍🏾👍🏾
得閒都要再黎chill 下先❤️
Post
