新三興。嚐鮮主理

Open Now

Now Closed

年初四食團年，去咗依間位於土瓜灣新三興，預訂左佢哋農曆新年套餐。第一道菜係魚皮辣魷魚，辣魷魚比較偏辣好香口，魚皮爽口滑溜。佢哋個鮑魚伴糖心蛋，覺得佢哋個糖心蛋好好味，而且擺盤好靚。香滑雞煲翅雞味好濃郁，黃色嘅雞湯好香濃好足夠料。乳豬好脆，特選半肥瘦口感更佳，香脆又唔油膩。椒鹽蝦炸到脆卜卜，可以連殻一齊食。佢哋個炸蠔好淡好似冇調味，不過上面有柚子醬配搭，肥美嘅生蠔，外脆內軟香甜脆滑，感覺好新鮮。＄7088 （12位用)1.嚐鮮/賀年兩小碟2.冰鎮鮑魚伴溏心蛋3.香濃雞煲翅4.金牌乳豬多士5.椒鹽瀨尿蝦6.XO蔥爆龍躉球7.柚子炸桶蠔8.紅酒燴牛肋排9.上湯瑤柱浸豆苗10.招牌家鄉炒米11.精美甜品新三興 嚐鮮主理 (土瓜灣)土瓜灣北帝街107-111號福祥大廈地下1-2號舖