Video
Read full review
2023-04-08
1006 views
📌 順順牛腩 - 土瓜灣高山道72-88號富怡閣地下5號舖🗓(8/4) 星期六 ⏰ 下午1:30左右 🌐網址: https://s.openrice.com/QrbS0KT8B00~ueeoDBA 💈特式：上網見到有街坊介紹呢間新開牛腩麵，所以就同大家去試下，餐廳位處於高山劇場對面，鄰近樂民新村同地鐵站，都幾方便。🥩🍔🌭🌮🥗🥯🥘🍲🍝🍣🥟🍤🍱食物：今日同左一個牛三寶撈伊麵，一個崩沙腩湯伊麵，一個油菜芥蘭，而家等我同大家講下🐮味道先。牛三寶撈伊麵 - 牛三寶有牛腩/牛筋/牛肚，賣$78蚊其實有少少偏貴，另外要轉伊麵底就要額外加$5蚊。牛腩正常味道，未去到好出色，而且唔夠淋有d渣；牛筋就ok夠淋夠入味，仲留有少少爽口感覺；牛肚都好入味，甚至有少少偏咸；撈麵會配埋一碗上湯，湯係牛骨湯，味濃但唔夠熱。崩沙腩湯伊麵 - 崩沙腩會貴過普通牛腩，呢碗麵賣$68蚊，伊麵都係要額外加錢，但崩沙腩同普通牛腩分別好大，我覺得貴d都值，入口先爽口後淋滑，肉味濃又無渣，湯底就唔知點解比撈麵配個碗上湯淡，而且都係一樣唔夠熱。油菜芥蘭 - 一碟芥蘭賣$25蚊，其實就真係有d太貴了，份量亦都唔算多，不過芥蘭
🗓(8/4) 星期六 ⏰ 下午1:30左右
🌐網址: https://s.openrice.com/QrbS0KT8B00~ueeoDBA
💈特式：上網見到有街坊介紹呢間新開牛腩麵，所以就同大家去試下，餐廳位處於高山劇場對面，鄰近樂民新村同地鐵站，都幾方便。
🥩🍔🌭🌮🥗🥯🥘🍲🍝🍣🥟🍤🍱
食物：今日同左一個牛三寶撈伊麵，一個崩沙腩湯伊麵，一個油菜芥蘭，而家等我同大家講下🐮味道先。
牛三寶撈伊麵 - 牛三寶有牛腩/牛筋/牛肚，賣$78蚊其實有少少偏貴，另外要轉伊麵底就要額外加$5蚊。牛腩正常味道，未去到好出色，而且唔夠淋有d渣；牛筋就ok夠淋夠入味，仲留有少少爽口感覺；牛肚都好入味，甚至有少少偏咸；撈麵會配埋一碗上湯，湯係牛骨湯，味濃但唔夠熱。
崩沙腩湯伊麵 - 崩沙腩會貴過普通牛腩，呢碗麵賣$68蚊，伊麵都係要額外加錢，但崩沙腩同普通牛腩分別好大，我覺得貴d都值，入口先爽口後淋滑，肉味濃又無渣，湯底就唔知點解比撈麵配個碗上湯淡，而且都係一樣唔夠熱。
油菜芥蘭 - 一碟芥蘭賣$25蚊，其實就真係有d太貴了，份量亦都唔算多，不過芥蘭都算新鮮同食到清甜味。
☕️🍵🥤🧋🍺🍷🥃🍹🧉🍾🍶🥛
飲品 : 因為佢地無套餐，只有散叫，一杯奶茶/檸檬都賣緊$18蚊，實在太唔抵，所以無叫飲品。
🍽環境：餐廳環境就係普通麵店咁，不過餐廳地方細，總數都係得十多個位，有點迫夾感唔算坐得舒服，不過因為餐廳開左無耐，地方/餐具都仲好新淨。
🤵🏻🤵🏻♀️🤵🏻♂️服務：店員服務態度正常，比起一般舊式雲吞麵店態度為好。
💰💸價錢：兩個麵一個油菜，埋單$174，如果質素好高嘅話，呢個價錢就唔算貴，但佢地又未算好高質，所以整體計起價錢偏貴，有點唔值。
🐲💬總結：首先價格偏貴，地方亦坐得唔算好舒適，食物種類單一，慶幸嘅係主角崩沙腩係做得唔錯。
推薦指數：❤️❤️❤️🤍🤍
牛三寶撈伊麵
$83
78 views
0 likes
0 comments
崩沙腩湯伊麵
$73
55 views
0 likes
0 comments
芥蘭
$25
39 views
0 likes
0 comments
Post
