Video
Read full review
2019-08-20
90 views
👭Forkers (土瓜灣)👭Dinner Set $298起1⃣西班牙黑毛豬火腿及肉腸 火腿同肉腸被切成薄片，每種有4片配搭4塊蒜蓉包。首先38嘗試火腿片，由於係用鹽醃製所以單食有少少過鹹，口感較肉腸結實😳不過夾埋蒜蓉包就變得岩岩好！而肉腸片既味道近似臘腸，入口帶有甘香🥰2⃣希臘式檸檬雞湯呢個湯品係待應特別向38介紹，材料用左洋蔥、紅蘿蔔、雞蛋、檸檬同雞等等慢火煮成。38覺得好特別既係呢款雞湯無落忌廉去煮，但入口好creamy😍雞肉精華配埋檸檬既清香令湯品變得清醇順口👍🏻3⃣新鮮沙律&黑松露薯條(任食)餐廳一大吸引之處就係可以無限refill沙律同薯條😍大胃王都唔怕食唔飽。沙律用左黑醋汁調味，作為前菜酸酸地都幾開胃。薯條即叫即炸，再用黑松露醬伴炒上碟。食落唔會油苙苙，外脆內軟😋38都忍唔住encore左一次薯條黎食👍🏻4⃣加拿大豬鞍扒+$6838食左呢間餐廳既豬鞍扒之後對豬既料理品完全改觀😳豬肉顏色好粉嫩😍有別於一般豬扒暗沈既顏色。廚師應該用左慢煮既方法去烹調豬鞍扒，所以保留到肉質既濕度，食落非常juicy❤醬汁係用黑醋黎調味，質地較稠身，甜味突出。雖然套餐要另外加
Dinner Set $298起
1⃣西班牙黑毛豬火腿及肉腸
火腿同肉腸被切成薄片，每種有4片配搭4塊蒜蓉包。首先38嘗試火腿片，由於係用鹽醃製所以單食有少少過鹹，口感較肉腸結實😳不過夾埋蒜蓉包就變得岩岩好！而肉腸片既味道近似臘腸，入口帶有甘香🥰
2⃣希臘式檸檬雞湯
呢個湯品係待應特別向38介紹，材料用左洋蔥、紅蘿蔔、雞蛋、檸檬同雞等等慢火煮成。38覺得好特別既係呢款雞湯無落忌廉去煮，但入口好creamy😍雞肉精華配埋檸檬既清香令湯品變得清醇順口👍🏻
3⃣新鮮沙律&黑松露薯條(任食)
餐廳一大吸引之處就係可以無限refill沙律同薯條😍大胃王都唔怕食唔飽。沙律用左黑醋汁調味，作為前菜酸酸地都幾開胃。薯條即叫即炸，再用黑松露醬伴炒上碟。食落唔會油苙苙，外脆內軟😋38都忍唔住encore左一次薯條黎食👍🏻
4⃣加拿大豬鞍扒+$68
38食左呢間餐廳既豬鞍扒之後對豬既料理品完全改觀😳豬肉顏色好粉嫩😍有別於一般豬扒暗沈既顏色。廚師應該用左慢煮既方法去烹調豬鞍扒，所以保留到肉質既濕度，食落非常juicy❤醬汁係用黑醋黎調味，質地較稠身，甜味突出。雖然套餐要另外加$68先食到，但38高度推薦要叫一份享受下豬肉另類既口感同味道‼️‼️
5⃣燒濕熟成美國肉眼牛排+$98
呢塊肉眼令38好驚喜🤩佢既外皮燒至十分香脆，肉質又好軟綿，食落一啲都唔乾，而係勁juicy，調味都唔會太過於重手，味道剛剛好。雖然要加$98，但38覺得係值得既😋
6⃣芝士蛋糕
呢件cheese cake份量整得岩岩好😍細細件唔會令人覺得好有負擔，同時又可以滿足到38對飯後甜品既需求。蛋糕口感唔會過硬/軟，用匙羹就可以輕鬆切開。放入口會慢慢咁溶化，散發淡淡既芝士味道。一啖cheese cake配一啖伯爵茶作為呢餐飯最完美既結局❤
推薦度：8/10
🏠土瓜灣鴻光街5號
🕐6:00pm-11:00pm
Post
