Video
Read full review
2023-04-05
1855 views
先起九龍城賣越式法包，近排開到嚟土瓜灣專賣湯飯同滷味小食 (滷味小食多到成個櫃都係）餐牌有九款湯飯選擇，雞牛豬羊海鮮都有，梗有款啱 佢啲名改得好搞笑，有個外賣叫鹹濕仔，跟住個姐姐同廚房講”喂，差個鹹濕仔啊”😂▶️ 海底奇兵 ($68)原來可以揀飯/米線/河粉，我就當然試湯飯啦🍲湯底用豬骨、上等老雞同瑤柱熬製，零味精👍🏻食完唔口渴，飲晒啲湯都仲得有老火湯嘅味道，海鮮料令佢偏鮮甜材料甚豐富：兩隻青口、兩隻海蝦、兩件魷魚、幾隻蜆、肉碎、冬瓜海鮮好無論口感定味道都唔覺似雪藏🦐兩隻蝦連殼要自己搣，證明新鮮，肉質爽口唔老尤其鍾意魷魚🦑食落爽彈唔難吞青口都唔錯🦪蜆肉就一般不過冬瓜太生硬，可能需要熬耐啲，肉碎份量亦少咗啲🤏🏻🍚白飯加咗些少紅米，飯質好食，浸起湯都唔會變爛飯，反而粒粒分明飽滿，保持到質感，仲好索湯面頭落咗蔥同蒜呢啲天然調味料，令湯飯味道豐富又惹味啲另外仲可以加店舖自家製嘅辣菜脯，食落辣喉嚨🌶️但係覺得佢菜脯切得太碎，欠缺脆卜卜嘅口感▶️ 還原妹豬湯 ($78)朋友叫嘅湯飯，材料係花膠、滑雞同姬松茸，養顏滋補之選🐔滑雞似白切雞，有皮有骨，味道正常，唔係特別滑嫩朋友話花膠太薄同偏軟，唔係太啱佢口味
餐牌有九款湯飯選擇，雞牛豬羊海鮮都有，梗有款啱
佢啲名改得好搞笑，有個外賣叫鹹濕仔，跟住個姐姐同廚房講”喂，差個鹹濕仔啊”😂
▶️ 海底奇兵 ($68)
原來可以揀飯/米線/河粉，我就當然試湯飯啦🍲
湯底用豬骨、上等老雞同瑤柱熬製，零味精👍🏻食完唔口渴，飲晒啲湯都仲得
有老火湯嘅味道，海鮮料令佢偏鮮甜
材料甚豐富：兩隻青口、兩隻海蝦、兩件魷魚、幾隻蜆、肉碎、冬瓜
海鮮好無論口感定味道都唔覺似雪藏
🦐兩隻蝦連殼要自己搣，證明新鮮，肉質爽口唔老
尤其鍾意魷魚🦑食落爽彈唔難吞
青口都唔錯🦪蜆肉就一般
不過冬瓜太生硬，可能需要熬耐啲，肉碎份量亦少咗啲🤏🏻
🍚白飯加咗些少紅米，飯質好食，浸起湯都唔會變爛飯，反而粒粒分明飽滿，保持到質感，仲好索湯
面頭落咗蔥同蒜呢啲天然調味料，令湯飯味道豐富又惹味啲
另外仲可以加店舖自家製嘅辣菜脯，食落辣喉嚨🌶️但係覺得佢菜脯切得太碎，欠缺脆卜卜嘅口感
▶️ 還原妹豬湯 ($78)
朋友叫嘅湯飯，材料係花膠、滑雞同姬松茸，養顏滋補之選
🐔滑雞似白切雞，有皮有骨，味道正常，唔係特別滑嫩
還原妹豬湯
$78
66 views
0 likes
0 comments
朋友話花膠太薄同偏軟，唔係太啱佢口味，不過湯底好香雞味
▶️ 滷水糖心蛋 ($18)
一盒兩隻，呢隻雞蛋特別巨型，外型呈深啡色，明顯滷咗好耐
切嘅時候感覺到有啲「阻力」，有少少台式鐵蛋feel (不過當然冇咁硬)
果然味道超入味，鹹中帶些少甜🤤連蛋黃都夠鹹香，用嚟配清淡嘅湯飯一流
佢個蛋黃除咗晶瑩剔透之外，有啲gel 黏黏地嘅感覺，好正！
有趣地蛋白有兩層🥚有層次口感
呢個非一般嘅滷水糖心蛋一定要試❗️食完好驚喜，同拉麵店食到嘅唔同
滷水糖心蛋
$18
55 views
0 likes
0 comments
-
湯飯冇令我失望，湯底鮮甜健康，鍾意佢用真材實料🫶🏻滷水蛋尤其正，會有興趣試埋其他滷味，見佢啲醉蝦醉雞唔錯😍價錢亦唔貴
舖頭位置吊腳，地鐵站行出嚟行一陣先到
入面環境亦比較細，只係得四張枱，容納到10個食客左右，所以晏晝嚟都坐滿
姐姐服務幾好，主動問客人食唔食辣然後介紹辣菜脯，又會同啲熟客傾吓計 (聽到有個熟客話聽日再嚟食）
上菜速度快，落完單唔使5分鐘就嚟，賣相仲要唔求其
海底奇兵
$68
50 views
0 likes
0 comments
價錢雖然貴過茶餐廳，但有呢個質素絕對值得，冇得比較～
難怪一路食見到唔少人嚟買外賣🥡佢啲外賣都裝得好有心思，唔係普通發泡膠，冇咁容易倒瀉
大家嚟土瓜灣區不妨支持下呢間隱世小店🥰
Post
