高山文化咖啡廳

Open Now

Now Closed

約朋友catch up下，想揾間夠空間感又靜靜地嘅 cafe，所以黎咗高山劇場入面嘅高山文化咖啡廳。入到去有落地大玻璃，再配啲木枱凳，係好舒服嘅。當日2點左右去到，揀咗窗邊坐 。QR code落完單之後都差唔多等咗半個鐘先有野食，但餐廳入面嘅兩枱客都已經係食緊，姐係得我地一枱order下，都要等好耐先有得食。不過我地唔趕時間就由佢。茄香鯷魚闊條麵冇好濃嘅茄香，就係得啲切半嘅蕃茄仔。啲意粉煮到過咗火所以好淋，唯一好嘅係啲洋蔥粒蒜炒得香。鯷魚我都知係咸嘅，但佢有啲整得唔夠碎，冇好小心望住黎食嘅話，就會有好勁嘅味蕾衝擊。牛油果酸種麵包配紫薯蓉Sour dough麵包好食，面頭塗咗層Greek yogurt再有半個切片嘅牛油果。紫薯蓉好creamy，正正常常。夏威夷果仁鮮奶咖啡我同朋友都叫咗夏威夷果仁鮮奶咖啡，一杯凍一杯熱。凍果杯只係係好淡好淡嘅果仁味，奶味完全蓋晒，有啲失望。朋友果杯熱嘅，佢話都算濃。如果嗌呢杯嘅話，都係飲翻熱嘅安全。整體黎講都只係麻麻地，論環境係冇得輸，同朋友傾下計/揾個地方做下野嘅話係幾好坐，但食物就唔好有啲咩期望。