Video
Read full review
2024-12-12
3833 views
之前食過北角Hyatt Centric酒店嘅自助餐覺得質素唔錯，於是今次再同朋友嚟encore😆適逢臨近聖誕佳節，自助餐變成節慶主題🎄有多款應節菜式，同一家大細嚟啱晒。欣賞呢度有kids corner，可以比小朋友玩玩具放電，大人就可以放心嘆buffet😎🈹而家嚟食自助餐有超抵優惠🤩由即日起至12月30日，加入The Farmhouse會員，即可以係集合全城眾多餐廳店舖優惠嘅Storellet網店🛍️享有節日自助晚餐 6折嘅獨家折扣！亦即每位成人只需$531.1 (原價：$748)就可以食到咁豐富嘅自助餐喇🤑而且消費儲積分仲可以免費換自助午餐及晚餐😻節慶自助餐🦞凍海鮮、刺身、壽司、蕎麥麵凍海鮮選擇齊，有龍蝦、蟹腳、青口、翡翠螺、凍蝦、磯煮鮑魚、蜆。龍蝦啖啖肉，部分都幾多膏👏🏻鍾意食鮑魚，醃得入味又爽彈😋蟹腳就海水味偏重，鹹度較高。另外仲有三文魚、油甘魚、吞拿魚等自助餐常見刺身，姐姐切得好厚身，全部都好鮮甜😋😋旁邊仲有卷物同蕎麥麵，可以自己配不同配料。🍖火腿、芝士、沙律西式嘅火腿芝士呢度都有齊👍🏻為應聖誕節，呢度有節慶凍肉批，口感軟滑，帶點如肝醬般嘅甘香味，好似食緊鴨肝醬咁，配酸酸地嘅金巴
🈹而家嚟食自助餐有超抵優惠🤩由即日起至12月30日，加入The Farmhouse會員，即可以係集合全城眾多餐廳店舖優惠嘅Storellet網店🛍️享有節日自助晚餐 6折嘅獨家折扣！亦即每位成人只需$531.1 (原價：$748)就可以食到咁豐富嘅自助餐喇🤑而且消費儲積分仲可以免費換自助午餐及晚餐😻
節慶自助餐
🦞凍海鮮、刺身、壽司、蕎麥麵
凍海鮮選擇齊，有龍蝦、蟹腳、青口、翡翠螺、凍蝦、磯煮鮑魚、蜆。龍蝦啖啖肉，部分都幾多膏👏🏻鍾意食鮑魚，醃得入味又爽彈😋蟹腳就海水味偏重，鹹度較高。另外仲有三文魚、油甘魚、吞拿魚等自助餐常見刺身，姐姐切得好厚身，全部都好鮮甜😋😋旁邊仲有卷物同蕎麥麵，可以自己配不同配料。
🍖火腿、芝士、沙律
西式嘅火腿芝士呢度都有齊👍🏻為應聖誕節，呢度有節慶凍肉批，口感軟滑，帶點如肝醬般嘅甘香味，好似食緊鴨肝醬咁，配酸酸地嘅金巴利果醬又幾好食😋
🥩燒拷
燒烤區有燒牛柳、燒雞、同埋應節嘅火雞🍗牛柳燒得幾靚，表面焦香帶輕微芥末香，入面夠腍夠粉嫩🥳火雞都唔錯，肉質唔乾柴👍🏻另一邊仲有即燒嘅德國腸、充滿蝦膏嘅大蝦同埋蔬菜等。
🥘熱葷
熱葷有齊中、西、印式料理，好似明爐燒味、酸辣粉🍜啖啖肉又有蒜香嘅瀨尿蝦配粉絲。見到師傅即席用鑊炒菜，勁有鑊氣🔥西式料理有三文魚、mac n cheese、芝士焗椰菜花等邪惡料理😈另外唔少得自助餐必備嘅印度咖喱。Signature仲有一人只有半隻，憑券領取嘅蒜蓉蒸波士頓龍蝦🦞龍蝦大大隻幾厚肉，面頭鋪滿蒜蓉勁香😻
🥧甜品、朱古力噴泉
甜品有不少非常具聖誕氣氛嘅款式，好似百果撻、麵包布丁、聖誕曲奇、香口嘅堅果撻等😙後面仲有巨型薑餅屋裝飾，小朋友見到一定好開心🤪另一邊亦有開心果tiramisu、熱紅酒朱古力慕絲、栗子卷蛋、蛋白霜檸檬撻等。開心果tiramisu必食👍🏻既有開心果cheese，亦有好濕潤咖啡味濃嘅手指餅😋熱紅酒忌廉朱古力布甸極具聖誕feel，入口帶明顯酒香，食落係酸酸咪咪嘅berries朱古力布甸😆另外仲有小朋友至愛嘅朱古力噴泉。
🍨雪糕、飲品
呢度嘅自助餐招牌一定係轉轉雪糕櫃😻放滿十數款自家製特別口味雪糕，一定要留肚食。泰式奶茶、斑斕、香芋等味道像真。牛奶焦糖好香焦糖味😚飲品方面有罐裝汽水，仲有咖啡機，以及不同口味茶包可以自己沖檸檬茶。
🍫同場加映：The Farmhouse Deli聯乘Conspiracy Chocolate熱朱古力、朱古力泡芙
之前係酒店餅店買蛋糕覺得幾高質☺️由即日起至12月30日，加入The Farmhouse Deli餅店會員，就可以獲得餅店與本地手工朱古力品牌Conspiracy Chocolate聯乘產品嘅$5優惠券🤑試咗佢哋嘅熱朱古力、香料朱古力，可可味香濃。另外仲有朱古力泡芙，賣相非常精緻，可以自己加toppings，好似餅乾碎、彩針、棉花糖等，滋味加倍😆
推介指數（10分為滿分）：8分
Post
