Video
Read full review
2012-12-26
23 views
聖誕節，一個好值得出街食野既日子，媽咪話想食扒，但係佢25號朝早先講食乜，仲要只係要去旺角食，嘩....好難啫，一諗起當然要openrice search search啦，一搵之下，由於媽咪話請，唔想食得太貴，一見已經搵到間之前見個同事食既一間房，天機棧扒房，我就要睇下有幾棧。響冇book枱既情況下，7點3去到，家姐要我去攞位先，一諗已經好有難度，咁既日子都冇book位，睇黎都係兇多吉少。Receipt姐姐解釋夜晚8:30後已經full book冇位，如果人齊可以即入8:30pm交枱，但係同屋企人商量完未必得，receipt姐姐好好人話最遲9:00pm交枱，好友善，service好好，呢個要值得一讚。7點45分家人到齊，Menu上已經有好多款聖誕大餐俾人客選擇，媽咪請，唔可以食得咁貴，最後我叫咗個白酒煮青口意大利飯，媽咪有少少病病哋，食咗個微辣既蕃茄大蝦通心意大利麵，而家姐本身想揀食生蠔，但食蠔冇餐，最後冇叫，食咗個唔記得叫乜名既普通牛扒，家姐叫咗7成熟。好快已經上頭盤，先黎個沙律先開一開胃，個沙律ok，d菜唔夠fresh，以呢個價錢唔要求得咁多。跟住已經有包食，包完全唔夠熱，所以出黎
響冇book枱既情況下，7點3去到，家姐要我去攞位先，一諗已經好有難度，咁既日子都冇book位，睇黎都係兇多吉少。Receipt姐姐解釋夜晚8:30後已經full book冇位，如果人齊可以即入8:30pm交枱，但係同屋企人商量完未必得，receipt姐姐好好人話最遲9:00pm交枱，好友善，service好好，呢個要值得一讚。
7點45分家人到齊，Menu上已經有好多款聖誕大餐俾人客選擇，媽咪請，唔可以食得咁貴，最後我叫咗個白酒煮青口意大利飯，媽咪有少少病病哋，食咗個微辣既蕃茄大蝦通心意大利麵，而家姐本身想揀食生蠔，但食蠔冇餐，最後冇叫，食咗個唔記得叫乜名既普通牛扒，家姐叫咗7成熟。
好快已經上頭盤，先黎個沙律先開一開胃，個沙律ok，d菜唔夠fresh，以呢個價錢唔要求得咁多。跟住已經有包食，包完全唔夠熱，所以出黎當要係一舊好硬既包，呢d都一般，唔寫咁多。
接著落既係個湯，今日有2款湯揀，南瓜湯同雜菜湯，媽咪揀咗南瓜湯，我同家姐揀既係雜菜湯。媽咪話個南瓜湯同出面既唔同，少少甜，又唔會淨係得湯。我當然立即試下個雜菜湯啦，咪就同一般冇乜分別，但係真係足料，唔係湯多，唔同既菜，再加少少肉粒，加埋湯本身應有既酸辣味，湯的確唔錯。
上完個湯，當然去到個main course喇，媽咪亩於唔食得酸辣，就同我交換咗個意大利飯食。先講佢食既飯先，好少聽到媽咪話個d青口好食(除咗佢自己煮之外)，細細隻再加上少量白酒煮過，食落時唔會俾白酒，蓋過對本身青口既海鮮味，意大利飯份量剛好，對於佢呢d冇乜胃口既人就最prefect，只係d意大利飯有少少煮得過咗火，冇咗應有既口感，總體係個唔錯既飯。
之後到我既微辣既蕃茄大蝦通心意大利麵，酸辣度對我個人而言係偏酸，由於酸多過辣，可能係d蕃茄醬既問題，同佢本身餐牌寫既有少少出入，個通心意大利麵ok唔會太生，另外值得一提係個大蝦，大隻得黎肉質鮮嫩，唔似外面一d死蝦咁"煤"，但係除咗呢樣之外，隻大蝦冇乜特別，冇乜太大海鮮味，蝦味完全俾d酸辣味蓋過，整體叫做ok啦。
而家姐叫既唔知咩牛扒，印象中，佢叫既7成熟，家姐俾咗舊我試，似5成熟多d，有好明顯既血汁，well，好彩我同佢都食得生，薯蓉我就冇食過，但家姐話唔ok，我就冇食過。
我同媽咪既餐飲係普通咖啡同菜蜜，但係家姐飲既好ok，叫做金莎朱古力特飲。家姐一試話好飲，我呢d tasting人當然要試啦，飲咗一啖，ok喎，完全係平時超市過年買既金莎朱古力，掂喎，本人仲記得新年最鍾意食就係呢隻朱古力，所以就本人而言都幾like呢杯野飲，雖然要加錢，但值喎!!!!!
最後，甜品時間，我要咗個心太軟，媽咪要咗個apple pie，家姐就法式焦糖燉蛋。甜品係等候時間最長既一環，我估不少於半個鐘，其他客人亦都係等甜品。心太軟，最重要係個溫度同個流心效果，溫度ok，唔太熱，易入口，但個流心就唔係好得，流心唔係自然流出黎，係要我壓一壓先出到黎，甜味ok，但個流心已經扣咗好多分。家姐既法式焦糖燉蛋同媽咪既apple pie報稱唔錯，我冇試，唔敢comment。
整體黎講聖誕節呢個18x連加一既一個dinner set其實抵到爛，service亦好好，至少冇人吹我地埋單，店員見杯水冇水亦好快refill，只係等候時間多了少少。有機會可以再幫襯，同朋友聚會一流。
Post
