天機棧扒房 (Moved) New Location

今日約了好同事一起聚聚，她介紹天機棧的心太軟很不錯，愛食心太軟的小妹當然不會錯過啦～ 所以就跟她來試試啦～我們六時到達，餐廳一個人也沒有，我們成了第一枱客人呀～店員推介二人餐，內容都頗豐富，而且七點半前埋單，會有八折優惠，都頗化算呀！所以我們就點了這二人餐～先上場的是煙三文魚凱撒沙律，沙律是即製的，店員會在客人面前把材料混合好，雖然點子不是新，但以這個價錢有這般服務，也收貨了～ 沙律菜頗新鮮爽脆，用了多汁的車厘茄、脆卜卜麵包粒，雖然煙三文魚不是很肥美，煙燻味也沒有很足，但收貨了～金必多魚翅忌廉湯，隨湯附上一條麵包棒，蘸著湯吃也不錯～ 忌廉湯頗濃稠，中間加了一點蘿蔔絲，減低膩口的感覺，而所謂「魚翅」，其實就是碗仔翅的翅，也為湯增加了爽口的口感～餐點上的真快～湯未飲完，主菜已上場！炭燒和牛M6牛小扒配香煎法國鵝肝，賣相也頗漂亮的～ 鵝肝香氣撲鼻，不過煎得未夠脆身，亦略欠嫩滑，不過，以這價錢，食到這質素，其實是收貨了！牛小扒煎得剛好，不會太韌，頗稔身的，不會很多油脂，雖然它叫"炭燒"，但一點炭燒的味道也沒有... 伴碟的醬汁，就是豉油西餐的醬汁，沒有驚喜，也沒有為牛扒加分呀!反之，同事的芝士

今次來旺角瓊華，就想食据下扒，結果就去咗13樓嘅天機棧扒房！間餐廳幾好feel，幾大幾舒服食嘢幾有feel，最啱就係同情人或者幾個朋友開餐枱下腳啦！因為係第一次來食所以都特登book咗位，始終都驚多人都要做足準備嘅！所以下次想食嘅就記得book左位先，咁就唔洗晒時間等位啦。講下食乜啦，今次經佢個經理推介左一個兩人餐，個餐大約400幾到，加埋加一都要450到，價錢就真係見仁見智啦！個餐包左幾道菜式，有頭盤主菜甜品仲要包埋飲品添！雖然都有幾道菜不過就細分左少少，食落都好似唔係幾夠飽咁！今次就揀咗佢燒春雞包飯，雞裏面有啲飯，食落口感夠晒特別，隻雞又嫩口。之後就叫咗個鵝肝加牛扒，好怕就冇乜特別都係同其他餐廳一樣，不過個牛扒真係好細份，都唔知夠唔夠兩個人食！食完個頭款同主菜梗係要食甜品啦！甜品方面就揀咗個心太軟同一個cheese cake, 兩樣都幾好食，不過就冇乜特別。見佢份Menu都其實有幾多選擇而且有啲仲幾抵食添，都幾值得我再黎！唔錯！

本心諗住去太子金翠食扒，但個朋友約左繫旺角等，見瓊華中心有間扒房，就試一試。假錢雖然貴左啲。見環境都唔錯。叫咗個二人套餐。有湯有蒜茸包，有沙律兩個主菜兩個甜品。蒜蓉包凍，羅宋湯勁酸。沙律普通。主菜叫左牛扒同牛仔骨。牛扒好細件。又過熟。好鞋口。牛仔骨得兩件細細塊，全熟，乾爭爭。甜品要左心太軟但唔溜心。噉嘅假錢同質數，早知行翻去太子食啦。

第二次來到天機棧扒房發現食物大有進步叫了個二人餐$428頭盤先來個煙三文魚沙律這個略嫌有點失色先說沙律菜不夠爽脆煙三文魚份量亦偏少唯以醬汁搭夠想要大讚的是兩款主食:五成熟的炭燒安格斯肉眼扒炭燒令其更惹味食落肉質嫩滑 鬆軟口感是筆者獨愛五成熟的原因沒有多餘脂肪 啖啖肉的感覺令人盡興美國春雞釀黑松露菌汁意大利飯一大隻的燒春雞單是這個主食已值回票價外皮燒得夠香 但切開卻已感到雞肉滑嫩入口一咬盡是juicy肉汁春雞沒有肥美的雞皮和脂肪所以雞肉連皮吃得份外安心意大利飯略嫌菌汁偏少但煮得香軟的飯粒同樣搭夠盡吸春雞精華所以吃落是另一種risotto的味覺享受朱古力心太軟這甜品一向是天機扒招牌菜輕輕切開脆熱的朱古力外層如瀑布傾瀉的朱古力醬一湧而出甜甜的為晚宴畫上句號

晏就3點幾同個fd係旺角都唔知食咩好，又唔想去啲咁嘈既地方，所以就上左瓊華，可能係3點記啦，上到去冇咩人，個環境靜靜地好舒服好適合傾計。價錢又合理，叫左個set lunch，有餐湯，蒜蓉包、T骨羊排配飯、凍奶茶，仲有甜品。個羊排就真係普通喇因為都比較難咬，但都夠味既，餐湯就係紅湯我就覺得唔夠辣。總之整體黎講唔錯既，食個環境之餘食物質素都可接受既。

環境一般，扮有情調！其實零感覺餐湯：龍蝦湯無龍蝦仔，差過某英文字快餐頭盤：鴨肝扮鹅肝，兩個字形容！生蠔：蘇格籣石蠔，原全無蠔味，细隻過隻手指公主菜：澳洲M6和牛8安士，無法形容！原全係快餐裏邊既急凍超蚊型牛扒（唔知佢點計，可能連配菜一齊磅）仲好意思問我要幾成熟，*我食開和牛，基本三成走汁*我食左一舊仔，已經叫服務員收左佢 甜品:心太軟，原全無朱古力味！焦糖蛋：焦糖衣正常，但係下邊果D蛋同樣無味如果咁既牛扒都拎得出黎既扒房，我對呢間野零好感

是晚，喺MK做完BODY MASSAGE, 忽然想鋸扒，就嚟左呢度。同朋友叫左個二人餐，另外加左半打OYSTER，重加錢要多一杯HOUSE WHITE WINE.OK~講下個二人餐包D咩先.......1. (頭盤) - 白酒煮花甲 / 煙三文魚沙律 (我地揀左煙三文魚沙律)2. (湯) 黑松露雜菌湯 / 雜菜湯 / 周打魚湯(我地揀左黑松露雜菌湯+雜菜湯)3. (主菜) 有7-8款 (我地揀左牛小排配鵝肝 + 肉眼排)4. (甜品) 心太軟 / 拿破崙 / 芝士蛋糕 (我地揀左心太軟 / 拿破崙)包兩個飲品，$428@2另外再ORDER左半打嘅蠔係FINE DE CLAIRE.宜家係時候講下食物質素先~~~1. (OYSTER) - FINE DE CLAIRE 係法國蠔，味道係應該帶重d嘅海水味，偏咸dd，但亦都帶甜 -->但呢度嘅fine de claire，非常之瘦，又細隻，無海水味(直情係無味)，重要開到d蠔殼入哂d蠔度......$138半打，係唔抵，$138食呢d，不如拎$138去city super即開即食重好啦~~2. (頭盤)我地叫煙三文魚沙律，佢就嚟左花甲

放工同朋友去旺角行左陣，經過瓊華見到天機棧好似幾有Feel咁，於是就決定上去試下。七點幾去到唔洗點等位，好快就坐低左，d staff亦都好快手，唔錯。內在環境都幾浪漫，燈光帶點昏暗，好適合情侶黎二人世界。呢度食set dinner，其實價錢唔算貴。都係$150-$250左加有full set，而且一個餐都幾大份，所以都算唔錯。最抵既係9:30後會有七五折！如果等得的朋友可以試下晏少少黎食，好似開到十二點幾一點！黑椒豬手配飯朋友叫左個豬手黎食，非常大舊，但相對地舊骨都好大份。煮得都幾軟熟，但係有少少咸，有興趣都可以試下咖燒春雞見到好多人都食燒春雞，所以無咩頭绪既我都叫左一份，配左薯菜。同豬手一樣，隻雞好大件，香得黎好厚肉，配埋汁一流。不足之處係薯菜略嫌唔夠多。朱古力心太軟甜品必食心太軟！由於太興奮既關係，未影相個心太軟已經俾人食左啖，所以無圖片。但係呢個心太軟真係好好味，睇住D朱古力流出黎，而且唔會太甜，一流！

為慶祝拍拖紀念日，我就帶左女友去「据下排」、食好D當慶祝，搵到天機棧呢間系瓊華中心既餐廳。論環境，佢地將燈光調暗左，令到成個鋪都好有情調，好有浪漫氣氛，加埋幾每張枱都有點左一個蠟燭，好啱情侶食飯。我地叫左個二人套餐，入面包括餐湯、沙律、以扒為主既主菜、同甜品。個餐湯系蘑菇忌廉湯，如用黎點蒜香包幾好，飲落都系蘑菇味好重。之後黎個煙三文魚凱撒沙律，食落同普通自己系屋企整既無咩分別。主菜，我地兩個兩個主菜一齊分黎食，有鵝肝、肉扒、薯蓉等。鵝肝配多士食，雖然鵝肝有少少膩，但加埋塊多士，可以中和到鵝肝既味。肉扒要七成熟，食落都有少少韌，不過點埋個醬汁，又變得易入口少少，好食少少。薯蓉就無咩特別，不過不乏。甜品我地叫左芒果拿破崙同朱古力心太軟。芒果拿破崙就味道一般，女友食左一兩啖就唔食，而個朱古力心太軟內層有少少流沁，特別既系有一粒金沙係入面，呢個好特別，更好甜到溜。總而言之，今餐質素平平。

已經是第二次來吃, 覺得地方相當寬淌,大多數都是卡位*昏暗柔黃燈光,2人世界環境合格!點了精選晚餐,西餐來說,選擇算多和價錢合理還有我最喜歡的生蠔，馬上$168來個生蠔拼盤~有3種 : 紐西蘭ROCK OYSTER ,法國蠔(忘了名字)+ cOFFIN BAY 各2隻*跟住上菜~精選晚餐裡的煙鴨胸沙律, 這個都ok~不過如果煙鴨胸可以切薄少少, 變成幾塊撈落去會再豐富d*  之後到蒜蓉包+雜菜湯 ; 蒜蓉包整到好香脆好喜歡, 不過個雜菜湯...鹹到喊><上菜速度都算系咁 , 服務員都算勤加水*拿~我點了酥皮焗羊排* 有我喜歡的醬點, 不過個醬比得好少 份量比我想像中少．．切開時候, 酥皮和羊排其實已經分離...比較勉強2個部分加翻埋一起吃, 酥皮幾"林", 不過不是我喜歡的口感* 不過羊排都ok*周邊的是薯菜,義大利瓜...(薯菜喔....不過個薯仔....冇咩味道)接著,我男友點的bbq醬燒牛肋骨(應該沒記錯)顏色都幾...bbq 呀下~味道都是偏鹹,,...口感像牛腩... ^^"或者肉眼排會更有更好表現吧．．但值得一讚是餐飲可選紅茶（有桂花）讚於有選擇～還有甜品心

第一次同朋友去呢間野食，一行到入去，覺得呢間野有D情侶FEEL，有D尷尬，因為個場好暗，D台剩係放左一盞細燈咁，不過算唔理，黎到都係食野姐。坐埋位叫左個餐，有西蘭牛扒、忌廉湯、沙律、甜品(我揀左焦糖燉蛋)，仲有杯野飲，都只係128，其實都算抵食。個餐有順序黎：沙律-->湯-->主菜-->甜品。呢個煙鴨胸沙律其實都唔錯，不過同普通沙律冇咩分別。而個湯其實有埋蒜蓉包送，同一般餐廳一樣。個西蘭牛扒好食在佢整得好好，唔硬又唔太軟，7-8成熟到，加埋個汁PERFECT，係我最欣賞既!而個甜品方面，其實我覺得冇左焦糖會更好HAHA。值得一提既係，我朋友叫左個心太軟，其實好食過燉蛋好多，個流心好正!最後埋單加一都正常的，而且唔太貴。

同一大班朋友(8人)去食飯，於早兩星期BOOK 定位 ^^天機棧扒房 – 係朋友上OPENRICE 揾，見佢既好評都多，地方又就腳所以試試…左手邊選頭盤、餐湯、甜品及飲品右手邊選主菜初初睇以為右手邊主菜加杯野飲要百幾蚊，之後見原來有頭盤、餐湯及甜品各得好抵食呀我地8個人叫左5個SET SHARE ...頭盤及甜品有四款選擇，餐湯有兩款選擇，當然就全部都叫各一黎試..頭盤沙津份量適中，味道可以..餐湯雜菜湯及忌廉湯，個人喜愛雜菜湯多D，好多材料^^塊包好香脆，正..主菜黑椒豬手-- 豬手鹹鹹地，配埋飯味道剛剛好豬肋排--- 啖啖肉，正三文魚龍脷柳卷配波菜汁--一定要加埋波菜汁先好味三文魚天使麵--- 如果塊三文魚大塊D 就好，但個天使麵都好味三文魚墨汁意大利飯---- 自己好鐘意食意大利飯，E 度煮得都唔錯，E 度菜食完記得要漱口抺咀甜品玫瑰奶凍-- 我覺得好味，食落有好重玫瑰味，但我D 朋友就唔太鐘意，玫瑰味太重朱古力心太軟---真係會流既心太軟，GOOD，甜味適中仲有燉蛋同藍莓木糠布丁個燉蛋好味，布丁就...藍莓味既布丁唔太合餐飲餐飲係飲奶茶咖啡，如要特飲就加多$20..我地8個人都

較早前同好友食晚飯, 朋友推介去天機棧扒房.去到我地點了廚師推介2位用.頭盤我地點了白酒煮新鮮花甲, 餐湯是黑松露野菌磨菇濃湯.主菜點了炭燒西班牙豬肉眼配香煎法國鵝肝和美國春雞釀黑松露菌汁意大利飯.甜品點了金沙朱古力心太軟和芒果酥皮拿破崙.白酒煮新鮮花甲是即場煮, 可以在佢旁邊見住整個過程.味道尚算不錯, 若花甲再厚肉一點更好.黑松露野菌磨菇濃湯帶有松露香味, 幾滑身, 個湯再濃味一點更好.接着主菜出場.美國春雞釀黑松露菌汁意大利飯, 上枱已經好吸引, 這是原隻雞上枱.切開後, 香味四濺, 雞內釀滿了飯, 意大利飯不但吸收晒雞的精華, 而且充滿黑松露菌汁的味道, 非常好味.雞肉肉質也嫩滑, 唔會過硬.接着是炭燒西班牙豬肉眼配香煎法國鵝肝, 賣相吸引.豬肉眼肉質同樣嫩滑, 味道適中, 不會過於咸.鵝肝不算好大塊, 但外脆內嫩, 口感不錯.兩款主菜的份量也不少. 三個女仔食都夠呀~最後, 甜品當然不少得.先來金沙朱古力心太軟.切開後, 尚算流心, 內裡有一粒金沙, 朱古力幾香濃, 甜味適中.芒果酥皮拿破崙, 這個就一般, 沒有特別.整體來講, 這間餐廳食物水準不錯, 可以再來一次呀~

賣相唔錯 不過味道真係一般果日上黎開飯睇下有咩好介紹 咁岩想食西餐 所以就簡啲西餐既餐廳啦首先 我同我男人點一個二人set既餐頭盤：煙三文凱撒沙律 1.菜唔新鮮 2.佢叫凱撒沙律 叫得「凱撒」沙律係要用凱撒醬 但係佢只係用普通既沙律醬就算soup：cream of mushroom 1.我男人覺得隻味好假 2我覺得無咩味要自己加啲鹽大盤：牛小排配鵝肝 話明係牛小排 佢就比咗牛扒我 明明五成熟 都可以好韌 羊扒 都滿意 但mint jelly比得好小 點兩點就冇 兩個大盤用既都係燒汁 但係我地覺得呢個燒汁 完全係個失敗點 燒汁唔似燒汁 隻味好難形容 可能個人口味不同啦甜品：芒果拿破崙 味道尚可 個啲醬汁唔係好夠 食完個口好乾 金沙朱古力心太軟 好味 佢放咗一粒金沙係入面 一口食落去有啲花生係到 都幾好唔錯

成棟瓊華都係餐龐, 台式日式西式都有, 食晏好方便。茶木同牛角就食得多，天機棧係第一次。個場幾大，lunch hour都唔使等位，感覺幾闊。lunch set選擇都唔少, 有兩種, 貴(~$80) 同平($40-$50)。貴既個名好聽好多，唔知質素差幾遠，同埋甜品可以揀，平既就只得啫喱。有周打蜆湯，意大利菜湯同中湯。餐飲除左普通凍熱飲，重有花釀，有玫瑰，桂花同茉莉。蒜蓉多士凍左, 唔係好脆, 冇牛油味同蒜香。湯味道可以，但只有寥寥可數既蜆，蜆肉又細又乾。香煎鵝肝配香草意大利飯，鵝肝質素平平，一點都唔肥美，但勝在煎得幾香。risotto好淡, 勉強少少pesto味, 飯粒煮耐左, 好稔。唔算難食，但同好食重有好一段距離。同事既雞扒同意粉都係普通。桂花味花釀好甜，唔通佢預左我地會加水去溝返淡，所以黎既時候只係得３分２杯？我地叫既都係$40幾, 價錢同質素都match既。好奇貴個Ｄ會唔會好食D, 但冇乜信心去博。