Video
Read full review
2022-03-25
1400 views
本身阿哥餐生日飯預咗出街食，但奈何疫情嚴重，要留喺屋企🏡。雖然係咁，不過最緊要都係一家人坐低一齊食飯。我哋唔想呀媽咁辛苦煮，所以決定上網訂嘢食，最終揀咗位於大角咀嘅「泰嘟嘟」。點解揀佢？其一有朋友推介，另外佢仲係良心小店呢💛。我哋喺外賣App落定單，計啱時間準時有得拎。同時，餐廳人氣好高，落雨都無阻買外賣嘅人！食物即叫即整，我哋揸車拎到返屋企都仲保持到溫度🔥。食物質素不比堂食遜色，而且值得一提嘅係佢份量好多，佢個外賣盒係大Size嗰種。小食拼盤($148/大)，拼盤內容好豐富😍，份量多到一個盒都裝唔晒。小食包括蝦餅、春卷、串燒、雞翼、香葉包雞同魚餅。雖然佢哋大部份都係炸物，但難得地唔會乾淨淨。我最鍾意炸雞翼🍗，因為肥美得來仲好重香茅味。串燒都幾好，但得豬同雞各一串，有少少唔夠喉。泰式鐵板蠔仔炒蛋($88)，蠔仔炒蛋勁大份🍳，煎得幾香口。🦪蠔仔大大隻，鮮味十足，唔腥無殼，配埋芫荽蔥同芽菜炒，口味正宗。不過留意返呢道菜式比較易出水。豬頸肉啫通菜煲($76)，馬拉盞炒通菜好惹味，蒜香辣椒樣樣兼備，令人食上癮💚。通菜幼嫩，質感爽脆。開頭以為比漏咗豬頸肉，但原來混咗喺入面。泰皇咖喱牛筋腩煲($1
本身阿哥餐生日飯預咗出街食，但奈何疫情嚴重，要留喺屋企🏡。雖然係咁，不過最緊要都係一家人坐低一齊食飯。我哋唔想呀媽咁辛苦煮，所以決定上網訂嘢食，最終揀咗位於大角咀嘅「泰嘟嘟」。
點解揀佢？其一有朋友推介，另外佢仲係良心小店呢💛。我哋喺外賣App落定單，計啱時間準時有得拎。同時，餐廳人氣好高，落雨都無阻買外賣嘅人！
食物即叫即整，我哋揸車拎到返屋企都仲保持到溫度🔥。食物質素不比堂食遜色，而且值得一提嘅係佢份量好多，佢個外賣盒係大Size嗰種。
小食拼盤($148/大)，拼盤內容好豐富😍，份量多到一個盒都裝唔晒。小食包括蝦餅、春卷、串燒、雞翼、香葉包雞同魚餅。雖然佢哋大部份都係炸物，但難得地唔會乾淨淨。我最鍾意炸雞翼🍗，因為肥美得來仲好重香茅味。串燒都幾好，但得豬同雞各一串，有少少唔夠喉。
泰式鐵板蠔仔炒蛋
$88
29 views
0 likes
0 comments
豬頸肉啫通菜煲
$76
13 views
0 likes
0 comments
泰皇咖喱牛筋腩煲
$108
8 views
0 likes
0 comments
蟹肉炒粉絲
$68
28 views
0 likes
0 comments
冬陰功鮮蝦肉碎炒飯
$78
16 views
0 likes
0 comments
馬來海鮮炒貴叼($78)，炒貴叼同平日所認知嘅好唔同🥢，佢冇黃撳撳嘅色彩，似普通炒河，但食落又真係有啲咖喱味，幾香。河粉並無炒到碎濕濕或過淋，兼且唔油又足料，有大大隻蝦。
去骨海南雞配油飯($68)，🐔海南雞飯屬正常發揮，雞嘅份量都唔少，雞皮幾爽，去骨後略嫌啲肉比較薄。油飯色水十足，味道上都夠油香，但如果質感軟身啲更佳。
總括嚟講，今餐喺屋企食嘅泰國菜生日飯令人好滿足🇹🇭😋，食物質素相當有水準，色香味俱全。本身諗住用外賣App買有八折優惠已經好抵，點知去到舖頭先發現原來有做套餐，下次要再做清楚資料蒐集🙈。
Post
